रुग्णांना दिलासा ! Corona उपचारांचे दर कमी होणार, सरकारकडून नवे दर जाहीर

सरकारी नियमांचं पालन व्हावं यासाठी स्थानिक जिल्हाधिकारी आणि महापालिका आयुक्त यांना निर्देश देण्यात आले आहेत. राज्याचे आरोग्यमंत्री राजेश टोपे यांनी यासंदर्भातली घोषणा केली. सरकारने दिलेल्या प्रस्तावात प्रत्येक शहरासाठी दर्जानुसार वर्गीकर होऊन दर आकारले जाऊ शकतात. अ, ब, क अशा तीन गटात वर्गीकरण करुन दरनिश्चीती करण्यात आली आहे. ग्रामीण भागातील जनतेला याचा फायदा होईल असं मत टोपेंनी व्यक्त केलं.

कोविड रुग्णांकडून आता किती दर आकारले जाऊ शकतात?

• अ वर्गातील शहरांसाठी ४ हजार रुपये, ब वर्गातील शहरांसाठी ३ हजार रुपये आणि क वर्गातील शहरांसाठी २ हजार ४०० रुपये असे दर आता आताकरण्यात येणार आहेत. या खर्चात देखरेख, नर्सिंग, चाचण्या, औषधं, बेड्सचा खर्च, जेवण याचा समावेश आहे.

• अ वर्गातील शहरांसाठी व्हेंटिलेटरचा दर ९ हजार रुपये, ब वर्गातील शहरांसाठी ६ हजार ७०० रुपये, क वर्गातील शहरांसाठी ५ हजार ४०० रुपये

• केवळ आयसीयू आणि विलगीकरण कक्षासाठी अ वर्गातील शहरांत ७ हजार ५००, ब वर्गातील शहरांत ५ हजार ५०० रुपये, क वर्गातील शहरांसाठी ४ हजार ५०० रुपये असा दर निश्चीत करण्यात आला आहे.

असं असेल शहरांचं वर्गीकरण –

• अ वर्गातील शहरं – मुंबई, मुंबई महानगर क्षेत्र (भिवंडी-वसई विरार वगळून), पुणे आणि पुणे महानगर क्षेत्र, नागपूर, दिगडोह वाडी

• ब वर्गातील शहरं – नाशिक, औरंगाबाद, अमरावती, भिवंडी, सोलापूर, कोल्हापूर, वसई-विरार, मालेगाव, नांदेड, सांगली

• क वर्गातील शहरं – अ आणि ब गटांव्यतिरीक्त अन्य शहरं या वर्गात असतील