Lucknow Building Collapse: बघता बघता इमारत पत्त्यांसारखी कोसळली! 8 जणांचा मृत्यू, पाहा VIDEO

मुसळधार पावसानंतर घडली घटना

पीटीआयने दिलेल्या माहितीनुसार, जिल्हा प्रशासनाच्या एका वरिष्ठ अधिकाऱ्याने म्हटलंय की, इमारतीच्या मलब्याखाली आणखी काही मृतदेह अडकले आहेत का? हे पाहावं लागणार आहे. या इमारतीचं बांधकाम जवळपास चार वर्षांपूर्वी केलं होतं, असं पोलिसांचं म्हणणं आहे. इमारत कोसळण्यापूर्वीही काही बांधाकाम सुरु होतं. शनिवारी रात्री मुसळधार पाऊस पडल्यानंतर ही घटना घडली. त्यावेळी काही कामगार ग्राऊंड फ्लोअरवर काम करत होते. 

ग्राऊंड फ्लोअरवर होता मोटर वर्कशॉप

अधिकाऱ्यांनी दिलेल्या माहितीनुसार, इमारतीच्या ग्राऊंड फ्लोअरवर एक मोटर वर्कशॉप आणि गोडाऊन होतं. पहिल्या मजल्यावर मेडिकलचा गोडाऊन आणि दुसऱ्या मजल्यावर एक कटलरी गोडाऊन होता. मेडिकल गोडाऊनमध्ये काम करणाऱ्या आकाश सिंहने सांगितलं की, इमारतीच्या एका खांबाला तडे गेले होते. पाऊस पडत असल्यानं आम्ही ग्राऊंड फ्लोअरवर आलो होतो. त्यावेळी आम्ही पाहिलं की, इमारतीच्या एका खांबाला तडे गेले होते. त्यावेळी ही इमारत अचानक कोसळली.