मला तपासयंत्रणांकडून त्रास दिला जातोय!

ठाणे पोलीसांचा भाग नसलेले सचिन वाझे पोस्ट पार्टमच्या ठिकाणी कसे?

मुंबई पोलीस, एटीएस, NIA यासारख्या यंत्रणांनी हिरेन यांची चौकशी केली. या चौकशीचा आपल्याला मानसिक त्रास होत असल्याची तक्रार करणारं पत्र हिरेन यांनी मुख्यमंत्री, गृहमंत्री आणि मुंबई-ठाणे पोलीस आयुक्तांना लिहीलं होतं. हे पत्र मुंबई तकच्या हाती लागलं आहे. या पत्रात हिरेन यांनी सचिन वाझे, जॉईंट सीपी भारंबे यांच्याकडून आपली वारंवार चौकशी होत असल्याचं म्हटलं आहे. या चौकशीमुळे माझं मानसिक स्वास्थ्य बिघडलं असून काही पत्रकार या प्रकरणात मला व माझ्या परिवाराला नाहक त्रास देत असल्याचं हिरेन यांनी म्हटलं आहे.

माझी गाडी चोरीला कशी गेली याची सर्व माहिती पोलिसांना दिल्यानंतरही आपल्याला वारंवार तेच-तेच प्रश्न विचारले जात असल्याचं हिरेन यांनी आपल्या पत्रात म्हटलं आहे. या चौकशीचा आपल्याला मानसिक त्रास होत असून याप्रकरणात लक्ष घालण्याची मागणी हिरेन यांनी केली होती. दरम्यान विरोधीपक्षाने आणलेल्या दबावानंतर गृहमंत्री अनिल देशमुख यांनी हिरेन यांच्या मृत्यूची चौकशी एटीएसकडे सोपवली आहे. मनसे आणि भाजपने याप्रकरणात सचिन वाझे आणि शिवसेनेचं जुन कनेक्शन बाहेर काढत सरकारसमोरील अडचणी वाढवल्या आहेत.