मंत्रालायातल्या कर्मचाऱ्यांना Jeans घालण्याची मुभा , टी शर्टवरची बंदी मात्र कायम

काय होता डिसेंबर २०२० मधला आदेश?

शासकीय कर्मचाऱ्यांना नवा ड्रेस कोड लागू करण्यात आला. सरकारी कार्यालयात कोणते आणि कसे कपडे घातले पाहिजेत याबद्दलचे नियम सरकारने जाहीर केले. मंत्रालयाने त्यावेळी दिलेल्या निर्देशांनुसार सरकारी कर्मचाऱ्यांना जीन्स टीशर्ट घालता येणार नाही तसंच स्लीपर्सही वापरता येणार नाही असं स्पष्ट करण्यात आलं होतं. महिला कर्मचाऱ्यांनाही ड्रेस कोड ठरवून देण्यात आला. महिलांनी कार्यालयात येताना साडी नेसावी किंवा कुर्ता सलवार, चुडीदार-दुपट्टा घालणे बंधनकारक करण्यात आले होते. त्याच प्रमाणे एकदा म्हणजेच दर शुक्रवारी सर्व कर्मचाऱ्यांनी खादीचे कपडे घालावेत असंही नियमांत स्पष्ट करण्यात आलं होतं.

काय सुधारणा करण्यात आली आहे?

कर्मचाऱ्यांनी टीशर्ट आणि जीन्स घालू नये या नियमात बदल करण्यात आला आहे. टी शर्ट घालू नये एवढीच सुधारणा जुन्या नियमात करण्यात आली आहे. त्यामुळे नव्या बदलानुसार जीन्स घालण्याची मुभा मंत्रालयातील कर्मचाऱ्यांना देण्यात आली आहे. या नव्या सुधारणेमुळे आता मंत्रालयातील सरकारी कर्मचाऱ्यांना जीन्स घालण्याची संमती मिळाली आहे.