MNS: वसंत मोरेंबद्दल मनसे घेणार मोठा निर्णय?, पुणे मनसेत नवं राजकारण

त्याबाबत वसंत मोरे यांच्याशी संवाद साधला असता ते म्हणाले की, ‘माझ्याबाबत पक्षामध्ये ज्या काही घटना घडत आहे. त्याला बाबू वागसकर हेच जबाबदार आहेत. तसेच मी आजही राज ठाकरेंसोबतच आहे.’ अशी भूमिका त्यांनी यावेळी मांडली.

दरम्यान, या सर्व घडामोडी घडत असताना आज (6 डिसेंबर) पुण्यातील मनसेच्या मध्यवर्ती कार्यालयात बैठक झाली. त्या बैठकीला मनसेचे नेते बाबू वागसकर, शहराध्यक्ष साईनाथ बाबर यांच्यासह अन्य पदाधिकारी उपस्थित होते.

पुण्यात मनसेला मोठा धक्का : वसंत मोरेंचा खंदा शिलेदार 400 कार्यकर्त्यांसह पक्षातून बाहेर

या बैठकीनंतर बाबू वागसकर यांनी प्रसारमाध्यमांच्या प्रतिनिधींसोबत संवाद साधला असता ते म्हणाले की, ‘आठवड्याभरात कोणती कामं करायची त्याबाबत आजची बैठक पदाधिकाऱ्यांसोबत झाली. पुणे महापालिकेने शहरी गरीब योजना बंद केली आहे. तसेच करदात्यांना 40 टक्के सवलत मिळावी, यासाठी राज ठाकरे यांनी मुख्यमंत्र्याची भेट घेतली होती. त्यावर निर्णय झालेला नाही. या दोन विषयावर आजच्या बैठकीत चर्चा झाली असून आम्ही लवकरच आंदोलन करणार आहोत.’ असं त्यांनी सांगितले.

दरम्यान, वसंत मोरे यांनी नाराजी व्यक्त केली आहे. यावर बाबू वागसकर म्हणाले की, ‘वसंत मोरे यांच्याबाबत आजच्या बैठकीत काही चर्चा झाली नाही. तसेच येत्या दोन दिवसात सविस्तर खुलासा केला जाईल.’ अशी भूमिका मांडत त्यांनी वसंत मोरेंच्या वक्तव्यावर फारसं भाष्य करणं टाळलं.

मी पक्षातील दहशतवादी आहे का? राज ठाकरेंकडे किती तक्रारी करायच्या? वसंत मोरे भडकले

यामुळे आता वसंत मोरे हे मनसेला जय महाराष्ट्र करणार की, मनसेच वसंत मोरेंना बाहेरचा रस्ता दाखवणार याकडे पुणेकरांचे डोळे लागून राहिले आहे.