महाराष्ट्रात दिवसभरात 3500 पेक्षा जास्त Corona रूग्णांचं निदान, 52 मृत्यूंची नोंद

आजपर्यंत तपासण्यात आलेल्या 5 कोटी 62 लाख 25 हजार 304 प्रयोगशाळा नमुन्यांपैकी 65 लाख 4 हजार 147 नमुने पॉझिटिव्ह आले आहेत. सध्या राज्यात 2 लाख 96 हजार 176 व्यक्ती होम क्वारंटाईन 1875 व्यक्ती संस्थात्मक क्वारंटाईन आहेत. राज्यात आज घडीला 49 हजार 671 सक्रिय रूग्ण आहेत.

महाराष्ट्रातले प्रमुख जिल्हे आणि सक्रिय रूग्णांची संख्या

मुंबई 5393

ठाणे-7253

रत्नागिरी-1157

पुणे-13101

सातारा-4474

सांगली- 2018

कोल्हापूर-1172

सोलापूर-2759

अहमदनगर-6898

महाराष्ट्रात सर्वाधिक सक्रिय रूग्ण पुणे जिल्ह्यात आहेत हेच ही आकडेवारी सांगते आहे. तसंच त्यानंतर ठाणे आणि अहमदनगर जिल्ह्यांमध्ये सक्रिय रूग्ण सर्वाधिक आहेत.

मुंबईत 367 नवे रूग्ण

मुंबईत दिवसभरात 367 नवे रूग्ण आढळले आहेत. तर दिवसभरात 408 रूग्णांना डिस्चार्ज देण्यात आला आहे. मुंबईत आत्तापर्यंत 7 लाख 12 हजार 570 रूग्ण बरे झाले आहेत. मुंबईत आज घडीला 4696 रूग्ण बरे झाले आहेत. मुंबईचा रिकव्हरी रेट 1286 दिवसांवर गेला आहे.

पुण्यात 178 नवे रूग्ण

पुण्यात 178 नवे रूग्ण आढळले आहेत. तर दिवसभरात 194 रूग्णांना डिस्चार्ज देण्यात आला आहे. तर पुण्यात दिवसभरात 2 मृत्यूंची नोंद झाली आहे. पुण्यात सध्या 1887 सक्रिय रूग्ण आहेत.

महाराष्ट्राचे आरोग्य मंत्री राजेश टोपे यांनी महाराष्ट्रातील कोरोनाच्या सद्यस्थितीचा अहवाल ट्विट केला आहे. तिसऱ्या लाटेचा धोका लक्षात घेऊनही अद्यापही राज्यात काही निर्बंध लागू आहेत. मात्र रोजी रोटी कशी सुरू राहिल या पार्श्वभूमीवर सूटही देण्यात आली आहे. गणेश उत्सव आणि नवरात्र या पार्श्वभूमीवर अधिकची काळजी घेण्याचं आवाहन मुख्यमंत्री उद्धव ठाकरेंनी केलं आहे.