पुणे : शुल्लक गोष्टीवरून वाद झाला अन् आरोपीने पोटात खुपसला चाकू; तरुणाचा मृत्यू

पुण्यातील दारूवाला पुलाजवळ ही घटना घडली असून, मयत तरुण आणि आरोपीमध्ये भंगार गोळा करत असताना क्षुल्लक कारणांवरून झालेल्या भांडणातून हा प्रकार घडला. या घटनेमुळे परिसरात खळबळ उडाली असून, अमन यादव (वय 27) असे खून करण्यात आलेल्या तरुणाचं नाव आहे.

Crime: धक्कादायक… 12 वर्षीय मुलाचा 4 वर्षीय चिमुकलीवर लैंगिक अत्याचार

फरासखाना पोलीस स्टेशनचे वरिष्ठ निरीक्षक राजेंद्र लांडगे यांनी दिलेल्या माहितीनुसार, अमन यादव हा भंगार गोळा करण्याचं काम करायचा. त्याची चार दिवसांपूर्वी आरोपीसोबत क्षुल्लक कारणावरून वाद झाला होता.

पुन्हा त्याच व्यक्तीसोबत दारूवाला पुलाजवळ आज (1 डिसेंबर) सकाळी वाद झाला. दोघांमध्ये बाचाबाची होऊन भाडण सुरू झालं. याचदरम्यान आरोपीने अमन यादव याच्या पोटात चाकू खुपसला. अचानक झालेल्या हल्ल्यात अमन गंभीर जखमी झाला.

डोंबिवली : आईला जामिन मिळवून देण्याचं आमिष दाखवून अल्पवयीन मुलीवर बलात्कार

अमनच्या पोटात चाकू खुपसल्यानंतर आरोपी घटनास्थळावरून पसार झाला. दरम्यान, अमन यादव याला तातडीने रुग्णालयात दाखल करण्यात आले. मात्र, तिथे तपासणी करून डॉक्टरांनी त्याला मृत घोषित केलं, अशी माहिती पोलिसांनी दिली.