Viral Video: गोविंदा, गोविंदा... पुणेकरांचा विषयच हार्ड, सोन्याचा चष्मा अन् 25 किलो सोनं घालून बालाजीच्या चरणी!

या प्राचिन मंदिरात प्रतिदिन जवळपास ९० हजार भाविक दर्शनासाठी येत असतात. तिरुमला तिरुपती देवस्थान (TTD) चे कार्यकारी अधिकारी श्यामला राव यांनी म्हटलं होतं की, जुलै महिन्यात विश्व प्रसिद्ध श्री व्येंकटेश्वर मंदिराच्या प्रसाद बॉक्समध्ये १२५ कोटी रुपयांचा प्रसाद जमा झाला. जुलै महिन्यात २२ लाखांहून अधिक भाविकांनी मंदिराचं दर्शन घेतलं आणि ८.६ लाख भक्तांनी मंदिरात धार्मिक विधीही केल्या. मंदिरात एक कोटींहून अधिक लाडूही विकण्यात आले. हे मंदिर विष्णू देवाचं एक रुप वेंकटेश्वर यांना समर्पित आहे. 

इथे पाहा 'गोल्डन' फॅमिलीचा व्हायरल व्हिडीओ

पुण्यातील या गोल्डन फॅमिलीचा व्हिडीओ पीटीआयने ट्वीटरवर शेअर केला आहे. या व्हिडीओच्या कॅप्शनमध्ये लिहिलंय की, पुण्यातील भक्तांनी २५ किलो सोनं घालून तिरुमला व्यँकटेश्वरा मंदिरात आज दर्शन घेतलं. कोट्यावधी रुपयांचे सोन्याचे अलंकार घालून मंदिरात दर्शनासाठी गेलेल्या या कुटुंबीयांचा व्हिडीओ पाहून अनेकांच्या भुवया उंचावल्या आहेत.

तसच नेटकऱ्यांनीही या व्हिडीओला प्रतिक्रियांचा वर्षाव केला आहे. सोशल मीडियाच्या विविध हँडल्सवर हा व्हिडीओ वाऱ्यासारखा व्हायरल झाला आहे. काही नेटकऱ्यांनी हा व्हिडीओ पाहून गोल्डन फॅमिलीचं कौतुक केल ं आहे. तर काहींनी या व्हिडीओला संमिश्र प्रतिक्रिया दिल्या आहेत. तिरुपती बालाजी मंदिरात दर्शन घेत असतानाही या गोल्डल फॅमिलीनं अनेकांचं लक्ष वेधून घेतल्याचं व्हिडीओत पाहायला मिळत आहे.