राज ठाकरे म्हणाले, ते खरंय; देश सोडलेल्या उद्योगपतींचा आकडा ऐकून चक्रावून जाल, भारत टॉप 3 मध्ये

रशिया-चीनपाठोपाठ भारत तिसऱ्या क्रमांकावर

एकीकडे जगातील अव्वल श्रीमंतांच्या यादीत भारतीय उद्योगपतींचे वलय असताना दुसरीकडे मोठ्या संख्येने भारतीय उच्चभ्रूंचा देशाविषयी भ्रमनिरास झालेला दिसत आहे. आकडेवारी सांगते की 2022 मध्येच हजारो कोट्यधीशांनी भारताला टाटा म्हटले आहे. हेन्ले अँड पार्टनर्सने आपल्या अहवालात याबाबत खुलासा केला आहे. त्यानुसार जगातील तीन देशांमध्ये भारताचा समावेश झाला असून, करोडपतींनी भारत सोडला आहे. या यादीत पहिल्या क्रमांकावर रशिया तर दुसऱ्या क्रमांकावर चीन आहे.

8 हजार कोट्यधीशांनी केलं पलायन

बिझनेस इनसाइडरवर प्रसिद्ध झालेला हेन्ली अँड पार्टनर्सचा अहवाल पाहता भारतासह अनेक देशांतील करोडपती आपला देश सोडून इतर देशांमध्ये स्थायिक होण्याला अधिक प्राधान्य देत असल्याचे स्पष्ट होते. अहवालात दिलेल्या आकडेवारीवर नजर टाकल्यास, 2022 मध्ये 8,000 करोडपती भारतातून स्थलांतरित झाले आहेत. या प्रकरणात आघाडीवर असलेल्या रशियातून स्थलांतरित झालेल्या लक्षाधीशांची संख्या यंदा 15,000 झाली आहे, तर या काळात चीनमधून 10,000 श्रीमंतांनी स्थलांतर केले आहे.

कोविड-19 महामारीच्या काळात हाय नेटवर्थ संपत्ती असलेल्या लोकांच्या देश सोडून जाण्याच्या योजनेला थोडा ब्रेक लागला होता, परंतु आता पुन्हा श्रीमंतांनी परदेशात स्थलांतर करण्यास सुरुवात केली आहे. त्यांनी स्थायिक होण्याचा निर्णय घेतला आहे आणि ताजी आकडेवारी याचे एक उदाहरण आहे. विशेष म्हणजे, उच्च नेटवर्थ संपत्ती असलेल्या लोकांमध्ये अशा श्रीमंत लोकांचा समावेश आहे ज्यांची संपत्ती दहा लाख डॉलर्स किंवा त्याहून अधिक आहे. मात्र, या निर्गमनासोबतच भारतात नवीन करोडपतींच्या संख्येतही वाढ होत आहे.

राज्यपाल, भाजप, काँग्रेस, उद्धव ठाकरे ते शिंदे गट : राज यांनी घेतला ‘ठाकरे’ शैलीत समाचार

जगात 88000 कोट्यधीशांनी आपले देश सोडले

Henley & Partners च्या मते, जगातील सर्वात श्रीमंतांपैकी 88,000 लोकांना नवीन स्थान मिळाले आहे, 2022 मध्ये आतापर्यंत सुमारे 88,000 उच्च-निव्वळ-वर्थ लोक (HNI) इतर देशांमध्ये गेले आहेत. भारत, रशिया आणि चीन व्यतिरिक्त हाँगकाँगमधील 3,000 श्रीमंत आणि युक्रेनमधील 2,800 लक्षाधीशांनी स्थलांतर केले आहे. या यादीत 1,500 श्रीमंतांच्या पलायनासह ब्रिटन सातव्या क्रमांकावर आहे. ज्या देशांत हे श्रीमंत लोक आपले नवीन निवासस्थान शोधत आहेत. त्यात यूएई, सिंगापूर आणि ऑस्ट्रेलिया अव्वल आहेत. अहवालानुसार, आपला देश सोडून गेलेल्या करोडपतींमध्ये 4,000 लोक यूएईमध्ये, 3,500 ऑस्ट्रेलियात आणि 2,800 सिंगापूरमध्ये दाखल झाले आहेत.

राज ठाकरे गटाध्यक्षांच्या सभेत काय म्हणाले होते?

गोरेगावमधील नेस्को मैदानात झालेल्या सभेत राज ठाकरेंनी देशातील वातावरणाचा परिणाम उद्योग जगतावर आणि सामाजिक सौहार्दावर होत असल्याचा मुद्दा मांडला होता. “महाराष्ट्रातील अनेक तरुण-तरुणी देश सोडून शिक्षण, नोकरीसाठी बाहेर जात आहेत. देशात शिक्षण असताना ते बाहेर का जात आहेत. सभोवतालचं कलुषित वातावरण, एकमेकांना जातीपातीत पाहणारं वातावरण, त्यामुळं ते बाहेर जात आहेत. आपल्याकडचे उद्योगपती देश सोडून बाहेर जात आहेत. गेल्या पाच ते सहा वर्षात पाच लाख उद्योगपती देश सोडून गेल्याची आकडेवारी लोकसभेत आली. आम्ही एकमेकांकडे जातीपातीतून बघतोय. आम्ही मूळ विषय विसरलो आहोत”, असं म्हणत राज ठाकरेंनी चिंता व्यक्त केली होती.