दिल्लीत नवा डाव, अमित शाह गेले शरद पवारांच्या घरी, 'ही' भेट अन् बरंच काही!

एकीकडे आज सकाळी अजित पवार यांनी सहकुटुंब आणि आपल्या पक्षातील इतर महत्त्वाच्या नेत्यांना सोबत घेऊन शरद पवारांची भेट घेतली होती. अशावेळी शरद पवार आणि अमित शाह यांच्या आजच्या भेटीला अधिक महत्त्व आलं आहे.

हे ही वाचा>> Devendra Fadnavis : ...म्हणून शिंदे दिल्लीला आले नाही, मंत्रिमंडळ विस्ताराबद्दल बोलताना फडणवीसांनी स्पष्ट सांगितलं

अमित शाह आणि शरद पवारांच्या भेटीमागे कोणतं राजकारण?

अमित शाह यांनी दुपारी 4 वाजेच्या सुमारास फोनवरून शरद पवार यांना शुभेच्छा दिल्या. त्याचवेळी त्यांनी प्रत्यक्ष भेटीसाठी पवारांची वेळही मागितली. ज्यानंतर त्यांनी 5 वाजेच्या सुमारास शरद पवारांच्या घरी जाऊन त्यांची भेट घेतली. 

आता ही भेट फक्त वाढदिवसाच्या शुभेच्छा देण्यासाठी घेण्यात आली होती असं भाजप नेत्यांकडून सांगण्यात येत आहे. मात्र, राज्यातील एकूण राजकीय वातावरण पाहता ही भेट एवढी सहजासहजी नाही.

हे ही वाचा>> Retail Inflation : गूड न्यूज! महागाई झाली कमी; RBI साठी मोठा दिलासा, काय काय झालं स्वस्त? जाणून घ्या

मागील काही दिवसांपासून राजकीय वर्तुळात अशी चर्चा सुरू आहे की, दोन्ही पवार हे एकत्र येऊ शकतात. अशावेळी याचे राजकीय परिणाम काय होणार याबाबतही चर्चा झडू लागल्या आहेत. अशातच अमित शाह यांनी स्वत: शरद पवारांच्या घरी जाऊन भेट घेणं याचे अनके राजकीय संकेतही आहेत. 

'या' भेटीबाबत सुनिल तटकरे काय म्हणाले?

'आम्ही जे भेटलो ते.. पवार साहेबांना मागील वर्षानुवर्षे वाढदिवसाच्या निमित्ताने भेटत आलो आहोत. त्यांच्या आशीर्वादामुळेच आमच्या सगळ्यांची राजकीय वाटचाल झाली आहे. त्यामुळे वाढदिवसाच्या निमित्ताने शुभेच्छा देणं, त्यांचं दर्शन घेणं हा आमच्यासाठी आनंदाचा क्षण आहे.' 

'केंद्रीय गृहमंत्री अमित शाह साहेब हे पवार साहेबांच्या भेटीला गेले ही निश्चितच बाब भारतीय संस्कृतीच्या दृष्टीने आम्हा सर्वांना आणि देशभरात एक वेगळंच वातावरण राजकीय क्षेत्रामध्ये चर्चा केली जाते त्याच्यापलीकडे जे काही जीवनात असतं तेच एक सद्भावना ही गृहमंत्र्यांनी दाखवली आहे.' 

'पवार साहेब हे देशाचे ज्येष्ठ नेते आहेत. त्यांच्या अमृत महोत्सवी सोहळ्याचे निमित्ताने देखील देशातील सर्व पक्षीय नेते उपस्थित राहिले होते. ही आपली एक संस्कृती आहे.' 

'आपल्या सगळ्यांना मी विनंती करतो की, पवार साहेबांना आम्ही शुभेच्छा देण्यासाठी गेलो होतो. या सदिच्छा भेटीला राजकीय वळण लावणं हे खेद देणारं ठरेल. यातून कोणताही राजकीय अर्थ काढू नये अशी आमची विनंती आहे.' असं सुनील तटकरे यावेळी म्हणाले.