Saif Ali Khan Case : आरोपी 5 तास वांद्रेमध्येच होता, एअरफोनही खरेदी केले, CCTV मध्ये काय काय आढळलं?

बॉलिवूड अभिनेता सैफ अली खानच्या वांद्रे येथील निवासस्थानी घडलेल्या घटनेच्या तीन दिवसांनंतर, अभिनेत्यावर चाकूने वार करणाऱ्या संशयित हल्लेखोराचे नवीन सीसीटीव्ही फुटेज समोर आले आहेत. या CCTV मध्ये आरोपी, एका दुकानात एअरफोन खरेदी करताना दिसत आहे. त्यानं निळा शर्ट घातला असून, त्याच्या पाठीवर एक काळी बॅगही लटकवलेली आहे. याआधी मुंबई पोलिसांनी आणखी काही सीसीटीव्ही फुटेज जारी केले होते. यापैकी एक सीसीटीव्ही फुटेज सतगुरु शरण बिल्डिंगच्या सहाव्या मजल्यावरील आहे. यामध्ये संशयित व्यक्ती अनवाणी पायऱ्या चढताना दिसत आहे. दुसऱ्या सीसीटीव्ही फुटेजमध्ये, संशयित व्यक्ती वांद्रे रेल्वे स्थानकाजवळ पिवळ्या शर्टमध्ये दिसला. तो सतत त्याचं स्थान बदलत असतो असं आतापर्यंत आढळून आलं.