संजय राऊत पुढच्या आठवड्यात फोडणार बॉम्ब; ईडीबद्दल केलं खळबळजनक विधान

माध्यमांशी बोलताना संजय राऊत म्हणाले, “पालघरमधील वेवूर गावात त्यांचा (किरीट सोमय्या) एक फार मोठा प्रोजेक्ट सुरू आहे, २६० कोटी रुपयांचा. त्यांच्या मुलाच्या नावाने. त्यांच्या (किरीट सोमय्या) पत्नी मेधा सोमय्या या प्रकल्पाच्या संचालक आहेत. मी त्यांना एक प्रश्न विचारलेला आहे की, या २६० कोटींमध्ये ईडीचे एक संचालक आहेत, त्यांचे किती पैसे आहेत? ही बेनामी संपत्ती ईडीच्या एका संचालकाची आहे. मी जाहीरपणे विचारलं आहे. २६० कोटींच्या या प्रकल्पात किरीट सोमय्यांचा मुलगा नील किरीट सोमय्या आणि पत्नी मेधा किरीट सोमय्या. हे कोट्यवधी रुपये यांच्या येतात कुठून?”, असा प्रश्न राऊत यांनी उपस्थित केला आहे.

फडणवीसांचा व्हीडिओ दाखवत शिवसेना नेते विनायक राऊत यांनी राणेंना दाखवली ‘कुंडली’

“वसईतील निकॉन प्रकल्पाची जमीन वाधवानकडून घेतलेली आहे. हा हजारो शेकडो कोटींचा भ्रष्टाचार आता रोज बाहेर काढणार. तुम्हाला (किरीट सोमय्या) उत्तर द्यावं लागेल आणि ईडीच्या कार्यालयात आम्ही हजारो लोकं जाणार आहोत. तुम्ही आमच्या पाच पंचवीस हजाराची चौकशी करता ना? आम्ही महाराष्ट्रातून हजारो कोटी रुपये कसे लुटले गेले? कसा भ्रष्टाचार केला… आम्ही तुम्हाला उघडं केल्याशिवाय राहणार नाही”, असा गर्भित इशारा राऊतांनी सोमय्यांना दिला.

“आम्हाला कुंडल्या काढण्याच्या धमक्या देऊ नका. तुम्हाला तुरुंगात बसून तुमच्याच कुंडल्या काढाव्या लागणार आहेत. याच्या कुंडल्या आहेत… त्याच्या कुंडल्या आहेत. आमच्याकडे तुमच्या कुंडल्या नाहीत का? तुमचं असेल केंद्र सरकार. इथे महाराष्ट्राचं सरकार आहे. इथं सगळं मजबूत आहे आणि आमच्या हातातही बरंच काही आहे. तेव्हा उगाच पोकळ्या धमक्या देण्याच्या भानगडीत पडू नका. तुम्हीच फसाल”, असं राऊत म्हणाले.

मातोश्री २ चं बेकायदा काम पैसे देऊन रेग्युलर करण्यात आलं, नारायण राणेंचा आरोप

“भ्रष्टाचाराच्याविरुद्ध लढणारे नवीन महात्मा जन्माला आलेले आहेत. जे दलाली करतात, केंद्रीय तपास यंत्रणांची. आम्ही त्यांना आवाहन करतो. तुम्ही (किरीट सोमय्या) जो केंद्रीय मंत्र्यांचा (नारायण राणे) हजारो कोटी रुपयांचा भ्रष्टाचार काढला आहे ना? ती लढाई पुढे घेऊन चला. आमच्याकडेही काही कागदपत्रं आहेत, ते आम्ही तुम्हाला देतो. त्या केंद्रीय मंत्र्यांच्या ३०० कोटींचा घोटाळा… ती लढाई शेवटाला नेण्यासाठी सोमय्यांना आम्ही आवाहन करतो. तुमच्यात हिंमत असेल आणि तुम्ही सच्चे असाल, तर ही लढाई पुढे न्याल. नाहीतर या विषयावर शेपूट घालून बसला आहात? ती शेपूट आम्ही बाहेर काढू. हे ढोंग… ही नौटंकी बंद करा. भाजप आणि भाजपच्या नेत्यांनी महाराष्ट्र आणि देश कसा लूटला आहे. ही लुट लपवण्यासाठी आमच्यावर आरोप केले जात आहेत. भाजपने केलेल्या लुटीचा पर्दाफाश व्हायला सुरूवात झाली आहे. तुमच्या भ्रष्टाचाराचे हिशोब आता तुम्हीच करत बसा”, असं राऊत म्हणाले.

दिशा सालियनची 8 जूनला बलात्कार करून हत्या करण्यात आली, नारायण राणेंचा पुन्हा आरोप

“माझं स्पष्ट आव्हान आहे. ईडी, सीबीआय आमच्या मागे लावा. आम्ही कुणालाही घाबरत नाही. आम्ही तुमचे बाप आहोत. बाप काय असतो तुम्हाला दिसेल. आम्ही टार्गेट करत नाही. ज्यांची पाच सहा वर्षांमध्ये लुटमार झालीये, ते आम्हाला आणून देत आहेत. केंद्रीय तपास यंत्रणांची मुंबईत कार्यालये आहेत. त्यांना तुम्ही खंडणीखोर बनवलं आहे. तुम्ही खंडणी जमा करण्याची साधन झाले आहात. हे सगळं पूर्णपणे उघडं केल्याशिवाय शिवसेना स्वस्थ बसणार नाही. एक दिवस तुम्हाला तुमचं तोंड काळं करून निघून जावं लागेल. आमच्याकडे इतकं पडलंय की आम्ही ट्रक भरून घेऊन जाऊ. ज्या दिवशी आम्ही जाऊ त्यादिवशी हे कार्यालय बंद करून निघून गेलेले असतील. पुढच्या आठवड्यात ईडीचा सगळ्यात मोठा घोटाळा मी बाहेर काढणार आहे. आम्हाला धमक्या देत आहेत ना? ईडीचा सगळ्या मोठा भ्रष्टाचार मी बाहेर काढणार आहे,” असं सांगत राऊत यांनी खळबळ उडवून दिली.