Parambir Singh यांना सुप्रीम कोर्टाचा दणका, महाराष्ट्राबाहेर चौकशीची याचिका फेटाळली

“तुम्ही महाराष्ट्र कॅडरचे अधिकारी आहेत, तुम्ही तिकडे ३० वर्ष काम केलंय आणि आता तुम्हाला तुमच्याच राज्यातील तपासयंत्रणेवर विश्वास नाही? हे खूप धक्कादायक आरोप आहेत”, असं मत जस्टीस गुप्ता यांनी नोंदवलं. प्रसिद्ध वकील महेश जेठमलानी यांनी कोर्टात परमबीर यांची याचिका मांडली, परंतू सर्वोच्च न्यायालयाने यावर सुनावणीसाठी नकार दिला.

तुम्हाला फौजदारी कायद्याचं ज्ञान आहे. तुमच्या विरोधातील सर्व FIR वर देता येईल का? आम्ही इथे प्रत्येक FIR बद्दल बोलत नाहीयेत, त्यासाठी तुम्ही विविध दंडाधिकाऱ्यांसमोर जाऊ शकता, खंडपीठाने परमबीर यांचे वकील जेठमलानी यांना प्रश्न विचारला. तुम्ही या सेवेत ३० वर्षांपेक्षा जास्त काळ काम करत आहात, अशावेळी तुम्ही तुमच्याच राज्यातील प्रशासकीय यंत्रणेबद्दल शंका घेऊ शकत नाही. काचेच्या घरात राहणारी लोकं इतरांवर दगड मारत नाही असं म्हणत जस्टीस गुप्ता यांनी परमबीर यांची याचिका फेटाळली.