मादी चित्ता गाभण असल्याच्या बातम्यांवर डीएफओ म्हणाले.. “अशी बातमी कुणी?….”

कोणत्याच बिबट्याचं नाव ठेवण्यात आलेलं नाही

कुनो नॅशनल पार्कचे डीएफओ प्रकाश कुमार वर्मा यांनी सांगितले की, पंतप्रधान नरेंद्र मोदींनी येथे आणलेल्या कोणत्याही चित्त्यांच्या नावाबाबत आम्हाला कोणतीही माहिती नाही. जर पंतप्रधानांनी चित्त्यांचं नाव ठेवलं असतं , तर त्यांनी रोज मन की बातमध्ये लोकांना नावाच्या सूचना का विचारल्या असत्या, असं अधिकारी म्हणाले.

कोणत्याही प्रकारची चाचणी करण्यात आलेली नाही

मादी चित्ता गाभण असल्याच्या बातम्यांबाबत बोलून दिशाभूल केली जात आहे. येथे कोणत्याही प्रकारची चाचणी घेण्यात आलेली नाही. तसेच नामिबियातून गर्भधारणेचा अहवालही देण्यात आलेला नाही. अशा अफवा कशा पसरवल्या जातात हे न समजण्यापलीकडचे आहे, असं अधिकारी म्हणतात. श्योपूर येथील या राष्ट्रीय उद्यानात 70 वर्षांनंतर 17 सप्टेंबर रोजी नामिबियातून आठ चित्ते आणण्यात आले. त्यांना पंतप्रधान नरेंद्र मोदी यांनी उद्यानात सोडले. या चित्त्यांमध्ये तीन नर आणि पाच माद्या आहेत.

चित्ता गरोदर असेल तर ही तिची पहिलीच वेळ : डॉक्टर

दुसरीकडे, चित्ता संवर्धन निधीच्या डॉ. लॉरी मार्कर यांनी सांगितले की, चित्ता गर्भवती असू शकते परंतु आम्ही हे निश्चितपणे सांगू शकत नाही. जर मादी चित्ता गरोदर असेल तर ही तिची पहिलीच वेळ असेल. आम्ही वाट पाहत आहोत. असे झाल्यास नामिबियाकडून भारताला मिळालेली ही दुसरी भेट ठरेल. लवकरच याची पुष्टी करेल. पण तिला पाहून ती गरोदर असल्याचं समजतं, असं डॉक्टर लॉरी म्हणाले.