शो मस्ट गो ऑन…कोरोनामुक्त होऊन आशय कुलकर्णी शूटींगसाठी सज्ज

मालिकेत मध्यवर्ती भूमिकेत असलेला अभिनेता ‘आशय कुलकर्णी’ कोरोना पॉझिटिव्ह असल्याने मालिकेतून थोडा विराम घेतला होता. मात्र आता शो मस्ट गो ऑन म्हणत आशय नुकताच गोव्यात दाखल झाला आहे. त्यामुळे मालिकेत अनिकेत परत येतोय. यानंतर आता मालिकेत बऱ्याच घडामोडी घडताना दिसणार आहेत.

मालिकेत आता अनिकेत मानसी त्यांचं लग्न झालंय हे घरी सांगणार आहेत. अनिकेतच्या येण्याने मानसी मनातून खंबीर होतेय. मानसीच्या मागे लागलेल्या विक्षिप्त समरला त्याचाच भाषेत उत्तर द्यायला अनिकेत मानसी सज्ज झालेत. त्यामुळे आता समर आणि अनिकेत ची टक्कर होणार हे निश्चित झालंय. त्यामुळे आता पुढे काय होणार याची उत्सुकता सर्वांना लागली आहे.