वाढत्या कोरोना रुग्णांमुळे ‘या’ जिल्ह्यात जमावबंदीचा आदेश जारी

5 पेक्षा जास्त व्यक्तींनी एकत्र न येण्याचे आदेश यावेळी देण्यात आले आहेत. तसेच लग्न व इतर कार्यक्रमांसाठी 50 व्यक्तींचे बंधन देखील असणार आहे. त्यामुळे आता गेल्यावेळेस प्रमाणेच पुन्हा एकदा वर्धा जिल्ह्यात नागरिकांवर बंधनं असणार आहेत.

जाणून घ्या कोरोनाच्या पार्श्वभूमीवर वर्ध्यात असणार काय नियम व अटी

1. मेडिकल व रुग्णालये सोडून इतर दुकाने व बाजारपेठा सायंकाळी 7 पर्यंत सुरू

2. लग्न समारंभ व इतर कार्यक्रमाकरिता संबधित कार्यक्षेत्रातील पोलीस स्टेशनची परवानगी घेणे बंधनकारक 

3. मिरवणुक व रॅली काढण्यास पुढील आदेशापर्यंत प्रतिबंध 

4. मंगल कार्यालये, हॉटेल्स, कॉन्फरन्स रुम व तत्सम गर्दीच्या ठिकाणी नियमांचा भंग केल्याचे प्रतिष्ठाने सील होतील.

5. रेस्टॉरंट व हॉटेल्स रात्री 9 वाजेपर्यंत चालू राहतील

6. जिल्हयामध्ये १५ फेब्रुवारीपासून सुरू झालेल्या महाविद्यालये 28 फेब्रुवारीपर्यंत बंद राहतील.

7. यापूर्वीच सुरु असणाऱ्या इतर शैक्षणिक संस्था, महाविद्यालये पूर्वीप्रमाणेच सुरु राहतील.

ही बातमी देखील जरूर पाहा: पुन्हा लॉकडाऊनबाबत मुख्यमंत्री उद्धव ठाकरेंचं मोठं वक्तव्य

पाहा कोणत्या कृतीसाठी किती दंड आकारला जाणार?

1. सार्वजनिक ठिकाणी थुंकणे 500 रुपये दंड

2. सार्वजनिक स्थळी चेहऱ्यावर मास्क न लावणे दंड 200 रुपये दंड

3. विक्रेत्यांने मार्कींग न करणे यासाठी प्रति व्यक्ती 200 रुपये दंडात्मक कारवाई

अशा स्वरुपाचे आदेश वर्धा जिल्हाधिकाऱ्यांनी दिले आहेत.