Badlapur News: 'तिने आई-बापाची शपथ घेऊन सांगायचं...', वामन म्हात्रे म्हणतात मी तसं बोललोच नाही!

'मोहिनी जाधवला मी आव्हान केलं होतं कालच.. की तिने तिच्या आई-बापाची शपथ घेऊन सांगायचं की वामन म्हात्रे असं बोलला.. खरं तर ज्या पीडित मुलीला न्याय मिळून द्यायचं काम आम्ही सर्व बदलापूरवासी करत होतो. त्यात आघाडीवर होते.' 

'मोहिनी जरी पत्रकार असेल तरी ती मीनल मोरे, संगीता चेंदवणकर असेल.. अशा 4-5 जणींचा एक ग्रुप होता. त्या ग्रुपने एक आवाहन केलं होतं की, आपण शालेय प्रशासनाच्या विरोधात आंदोलन करू. ते आंदोलन करणं बाजूलाच राहिलं या ठिकाणी बाहेरचे आंदोलक आले आणि त्याठिकाणी दंगलीचं स्वरुप देण्याचा प्रयत्न केला.'

हे ही वाचा>> Badlapur News: '...आता आंदोलन करावं लागणार का?' बदलापूरच्या घटनेवर राहुल गांधींचं मोठं ट्वीट

'असा बाइट संगीता चेंदवणकरने स्वत: दिली आहे. तुम्ही ते दाखवा.. हे लोकं 9.30 वाजता तिथून निघून गेले. त्यानंतर     मुख्यमंत्री साहेबांशी मी बोललो.. त्यानंतर त्यांनी सांगितलं की, ही केस आपण फास्ट ट्रॅक कोर्टात चालवून त्या नराधमाला जास्तीत जास्त शिक्षा कशी देता येईल ते पाहू.' 

'मुख्यमंत्र्यांचा हा मेसेज मी आंदोलकांना सांगितला आणि त्यांना शांत केलं. त्यानंतर मोहिनी जाधव तिथून येत होती आणि मी तिथून जात होतो.. मी फक्त तिला एवढंच म्हटलं की, मोहिनी तुम्ही तीन दिवसांपासून हे आंदोलन तुम्ही सांभाळलं.. तर लोकांना देखील तुम्ही सत्य परिस्थिती सांगायला पाहिजे, तुम्ही तिथून निघून जायला नको.. एवढंच बोललो.. पण काही ठाण्यातील आणि इतर नेते यांनी कट रचून मला बदनाम करण्यासाठी हे सगळं केलं आहे.'

'मी किंवा आमच्या घरातील ती संस्कृती नाही. आम्ही महिलांचा आदर करतो. वामन म्हात्रे सर्वात जास्त महिलांसाठी काम करतो.' असा दावा वामन म्हात्रे यांनी यावेळी केला आहे.