Partywise Portfolio Allocation: भाजपकडे गृह, महसूल.. महायुतीत कोणत्या पक्षाकडे कोणती खाती?

सगळ्यात महत्त्वाचं समजलं जाणारं गृह खातं हे भाजपने आपल्याकडेच ठेवलं आहे. तर महसूल सारखं महत्त्वाचं खातंही भाजपने स्वत: राखलं आहे. तर याशिवाय नगरविकास, सार्वजनिक बांधकाम आणि गृहनिर्माण ही खाती शिवसेनेला दिली आहे. तर अर्थ, उत्पादन शुल्क आणि कृषी ही महत्त्वाची खाती अजित पवारांच्या राष्ट्रवादी काँग्रेसला देण्यात आली आहेत.

हे ही वाचा>> Portfolio Allocation: अखेर... खाते वाटप जाहीर! शिंदे-अजितदादांना भाजपने काय दिलं?, पाहा संपूर्ण यादी

एकीकडे आज हिवाळी अधिवेशनाचं सूप वाजलं आणि दुसरीकडे मंत्रिमंडळाचं खाते वाटप हे जाहीर करण्यात आलं. दरम्यान, या खातेवाटपात भाजपने आपल्या दोन्ही सहकाऱ्यांची फारशी नाराजी होणार नाही याकडे अधिक लक्ष दिलं आहे. 

पाहा कोणत्या पक्षाला कोणती खाती मिळाली

भाजपला कोणती खाती मिळाली?

देवेंद्र फडणवीस - मुख्यमंत्री, गृह, ऊर्जा (वगळून अक्षय ऊर्जा), कायदा आणि न्यायव्यवस्था, सामान्य प्रशासन विभाग, माहिती आणि प्रसिद्धी (आणि इतर कोणत्याही मंत्र्याला वाटप न केलेले विभाग/विषय)

• चंद्रशेखर बावनकुळे - महसूल
• राधाकृष्ण विखे-पाटील - जलसंपदा (गोदावरी आणि कृष्णा खोरे विकास महामंडळ)
• चंद्रकांत पाटील - उच्च आणि तंत्र शिक्षण, संसदीय कामकाज
• गिरीश महाजन - जलसंपदा (विदर्भ, तापी, कोकण विकास महामंडळ), आपत्ती व्यवस्थापन
• गणेश नाईक - वन खातं 
• मंगलप्रभात लोढा - कौशल्य विकास, रोजगार, उद्योजकता आणि नवोपक्रम
• जयकुमार रावल - पणन आणि राजशिष्टाचार
• पंकजा मुंडे - पर्यावरण आणि हवामान बदल, पशुसंवर्धन
• अतुल सावे - ओबीसी कल्याण, दुग्धविकास आणि अक्षय ऊर्जा
• अशोक उईके - आदिवासी विकास
• आशिष शेलार - माहिती तंत्रज्ञान, सांस्कृतिक
• शिवेंद्रराजे भोसले - सार्वजनिक बांधकाम (सार्वजनिक उपक्रम वगळून)
• जयकुमार गोरे - ग्रामविकास आणि पंचायती राज
• संजय सावकारे - वस्त्रोद्योग
• नितेश राणे - मत्स्यव्यवसाय, बंदरे
• आकाश फुंडकर - कामगार
• माधुरी मिसाळ (राज्यमंत्री) - नगरविकास, वाहतूक, सामाजिक न्याय, वैद्यकीय शिक्षण, अल्पसंख्याक विकास आणि औकाफ
• पंकज भोयर (राज्यमंत्री) - गृह (ग्रामीण), गृहनिर्माण, शालेय शिक्षण, सहकार, खाणकाम
• मेघना बोर्डिकर (राज्यमंत्री) - सार्वजनिक आरोग्य आणि कुटुंब कल्याण, पाणी पुरवठा आणि स्वच्छता, ऊर्जा, महिला आणि बालविकास, सार्वजनिक बांधकाम (सार्वजनिक उपक्रम)

 

शिवसेनेला कोणती खाती मिळाली?

एकनाथ शिंदे - उपमुख्यमंत्री, नगरविकास, गृहनिर्माण, सार्वजनिक बांधकाम (सार्वजनिक उपक्रम)

• गुलाबराव पाटील - पाणी पुरवठा आणि स्वच्छता
• दादा भुसे - शालेय शिक्षण
• संजय राठोड - मृद व जलसंधारण
• उदय सामंत - उद्योग, मराठी भाषा
• शंभूराज देसाई - पर्यटन, खाणकाम, माजी सैनिक कल्याण
• संजय शिरसाट - सामाजिक न्याय
• प्रताप सरनाईक - परिवहन
• भरतशेठ गोगावले - रोजगार हमी, फलोत्पादन, खार जमीन विकास
• प्रकाश आबिटकर - सार्वजनिक आरोग्य आणि कुटुंब कल्याण
• आशिष जैस्वाल (राज्यमंत्री) - अर्थ आणि नियोजन, कृषी, मदत आणि पुनर्वसन, कायदा आणि न्यायव्यवस्था, कामगार
• योगेश कदम (राज्यमंत्री) - गृह (शहर), महसूल, ग्रामीण विकास आणि पंचायती राज, अन्न नागरी पुरवठा आणि ग्राहक संरक्षण, अन्न आणि औषध प्रशासन

हे ही वाचा>>  '...तर अडीच महिन्यातच मंत्री बदलू', महायुतीचा 'हा' कोणता फॉर्म्युला?

 

राष्ट्रवादी काँग्रेसला कोणती खाती मिळाली?

अजित पवार - उपमुख्यमंत्री, अर्थ आणि नियोजन, राज्य उत्पादन शुल्क

• हसन मुश्रीफ - वैद्यकीय शिक्षण
• धनंजय मुंडे - अन्न, नागरी पुरवठा आणि ग्राहक संरक्षण
• दत्तात्रय भरणे - क्रीडा आणि युवक कल्याण, अल्पसंख्याक विकास आणि औकाफ
• आदिती तटकरे - महिला आणि बालकल्याण विकास
• माणिकराव कोकाटे - कृषी
• नरहरी झिरवाळ - अन्न व औषध प्रशासन, विशेष सहाय्य
• मकरंद जाधव-पाटील - मदत आणि पुनर्वसन
• बाबासाहेब पाटील - सहकार
• इंद्रनील नाईक (राज्यमंत्री) - उद्योग, सार्वजनिक बांधकाम, उच्च आणि तंत्रशिक्षण, आदिवासी विकास, पर्यटन, मृद आणि जलसंधारण

 

ही खाती तीनही पक्षांना मिळाली आहे. दरम्यान, आता या खाते वाटपानंतर कोणत्या मंत्र्यांची कामगिरी कशी असणार हे पाहणं अत्यंत महत्त्वाचं ठरणार आहे.