Uddhav Thackeray : ठाकरेंची मोठी खेळी, भाजपला देणार जबर झटका

मी 1995 पासून भाजपसाठी काम करतोय. पण सध्या आम्ही भाजप आणि शिंदे गटासाठी काम करतोय. पण शिंदे गट आमचा वापर करून घेत आहे, असा आरोप माजी महापौर आणि भाजप नेते राजू शिंदे यांनी केला आहे. जनतेचे प्रश्न मांडण्यासाठी मी उद्धव ठाकरे यांच्या शिवसेनेत गेले पाहिजे, अशी नागरीकांची आणि कार्यकर्यांची इच्छा आहे. सध्या ठाकरेंच्या शिवसेनेत जाण्याचा आमचा विचार सुरु आहे, असे शिंदे यांनी सांगितले. माझ्यासोबत 6 नगरसेवक, दोन जिल्हा परिषद सदस्य, पंचायत समिती सदस्य आणि पदाधिकारी हे ठाकरे गटात प्रवेश करणार असल्याचे शिंदे यांनी सांगितले आहे. 

लोकसभा निवडणुकीत शहरात चांगली परिस्थिती होती. पण आम्हाला ही निवडणूक लढवता आली नाही. गेल्या दोन ते अडीच वर्षापासून भाजपने येथे मेहनतीने काम केले आहे.पण ही जागा शिंदे गटाला दिली गेली. लोकसभा निवडणुकीत आम्ही त्यांचे काम केले. पण भाजप आमदार, खासदारांनी कृतज्ञताही व्यक्त केली नाही, अशी नाराजी शिंदे यांनी यावेळी बोलूनही दाखवली. 

हे ही वाचा : Majhi Ladki Bahin योजनेत मोठा बदल, घरोघरी येणार टीम; काय आहे सातारा पॅर्टन?

शिरसाटांच्या अडचणी वाढणार 

7 जुलैला भाजपचे माजी नगरसेवक आणि पदाधिकारी उद्धव ठाकरे गटात प्रवेश करणार आहेत. या प्रवेशामुळे शिंदे गटाचे नेते संजय शिरसाट यांची अडचण वाढणार आहे. 2019 च्या निवडणुकीत राजू शिंदे अपक्ष उभे असताना 43,347 मते मिळाली होती. तर संजय शिरसाट यांना 83,792 मते मिळाली होती. त्यामुळे 40 हजार मतांनी संजय शिरसाट यांचा विजय झाला होता. 

दरम्यान ठाकरे गटात प्रवेश केल्यानंतर ते पुन्हा पश्चिम विधानसभा मतदार संघातून रिंगणात उतरण्याची शक्यता आहे. तर राजू शिंदे यांचा विधानसभा निवडणूक लढवण्याचा निर्णय संजय शिरसाट यांच्यासाठी अडचणीचा ठरणार आहे.