होम
विधानसभा 2024
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
Maharashtra Political News: हुसैन मोहम्मद, पालघर: मुख्यमंत्री एकनाथ शिंदे (CM Eknath Shinde) आणि उपमुख्यमंत्री देवेंद्र फडणवीस (Devendra Fadnavis) यांच्यात अद्यापही धुसफूस सुरू असल्याचं दिसून येत आहे. मंगळवारी (13 जून) शिवसेनेबाबत जी जाहिरात प्रसिद्ध करण्यात आली होती. त्यानंतर देवेंद्र फडणवीस हे मुख्यमंत्री शिंदेंवर नाराज असल्याची जोरदार चर्चा रंगली होती. मात्र, आपण नाराज नाही तर कानाच्या दुखण्यामुळे दौरे रद्द केल्याचं फडणवीसांकडून सांगण्यात आलं होतं. असं असलं तरी आजही पालघरमध्ये (Palghar) एक अशी घटना घडली की, ज्यामुळे पुन्हा एकदा फडणवीसांच्या नाराजीच्या चर्चा सुरू झाल्या आहेत. (cm eknath shinde dcm devendra fadnavis bjp shiv sena advertisement palghar cm car maharashtra political news)
ADVERTISEMENT
CM शिंदेंनी खुणावलं, पण फडणवीसांनी…
त्याचं झालं असं की, जाहिरात प्रकरणानंतर देवेंद्र फडणवीसांनी मुख्यमंत्र्यांसोबत जाहीर कार्यक्रमांना टाळलं होतं. पण आज (15 जून) म्हणजेच दोन दिवसानंतर देवेंद्र फडणवीस हे मुख्यमंत्र्यांसोबत एकत्र एका हेलिकॉप्टरने पालघरमध्ये आले.
पालघरमध्ये शासन आपल्या दारी या कार्यक्रमाचं आयोजन करण्यात आलं होतं. जिथे देवेंद्र फडणवीस हे शिंदेंसोबतच एकत्र आले. पण हेलिकॉप्टरमधून उतरताच असं काही झालं की, पुन्हा एकदा चर्चेला सुरुवात झाली. कारण मुख्यमंत्री आणि उपमुख्यमंत्री हे पालघरमध्ये हेलिकॉप्टर एकत्रच आले. पण कार्यक्रम स्थळावर मात्र दोघेही वेगवेगळ्या गाडीने गेले.
खरं तर मुख्यमंत्री शिंदे यांनी फडणवीसांना त्यांच्या सोबत त्यांच्याच गाडीतून जाऊयात असं हातानेच खुणावलं. पण फडणवीसांनी मुख्यमंत्री शिंदेंना तिथेच त्यांना नाही सांगितलं आणि ते थेट त्यांच्यासाठी जी गाडी तयार ठेवली होती त्याकडे वळाले. त्याच स्वतंत्र गाडीने फडणवीस हे कार्यक्रम स्थळी रवानाही झाले.
हे ही वाचा >> ‘बेडूक कितीही फुगला तरी..’, BJP च्या जिव्हारी लागली जाहिरात; खासदाराने शिंदेंना सुनावलं!
दोन दिवसांपूर्वी शिवसेनेची जी जाहिरात आली होती. त्यानंतर आज पहिल्यांदाच शिंदे-फडणवीस हे एकत्र प्रवास करत पालघरला आले होते. मात्र, यावेळी मुख्यमंत्र्यांनी त्यांच्या गाडीतून जाऊ असं खुणावलेलं असताना देखील फडणवीस हे दुसऱ्या गाडीतून निघून गेल्याने सर्वांच्याच भुवया यावेळी उंचावल्या.
फडणवीसांनी मुख्यमंत्र्यांना का दिला नकार?
मुख्यमंत्री एकनाथ शिंदे आणि देवेंद्र फडणवीस हे सत्ता आल्यापासून अनेकदा एकाच गाडीतून प्रवास करताना पाहायला मिळालं आहे. काही महिन्यांपूर्वीच समृद्धी महामार्गाची चाचणी करण्यासाठी शिंदे-फडणवीस हे एकत्र गेले होते. त्यावेळी स्वत: फडणवीसांनी मुख्यमंत्री शिंदेंच्या गाडीचं सारथ्य केलं होतं. असं असताना आजच अचानक फडणवीसांनी मुख्यमंत्र्यांच्या गाडीत बसण्यास का नकार दिला असा सवाल आता विचारला जात आहे.
त्यांच्या याच वागण्यामुळे फडणवीस हे अद्यापही मुख्यमंत्री शिंदेंवर नाराज असल्याच्या चर्चेने जोर धरला आहे.
‘ही’ जाहिरात फडणवीसांच्या जिव्हारी लागली?
‘झी न्यूज आणि मॅटराईझ’ या संस्थेने सर्वे केला. त्यात जर आत्ता निवडणुका झाल्या, तर राज्यात पुन्हा शिंदे-फडणवीस सरकार बहुमताने घरवापसी करेल, असा म्हटलं गेलं. त्याचबरोबर मुख्यमंत्रीपदी देवेंद्र फडणवीसांपेक्षा एकनाथ शिंदेंना बघायला जास्त आवडेल असं सर्व्हेमध्ये म्हटलं होतं.
36 हजार लोकांनी या सर्वेक्षणामध्ये सहभाग घेतला होता. 23 मे ते 11 जून या कालावधीमध्ये हा सर्वे करण्यात आला असल्याचं ‘झी’ कडून सांगण्यात आलं आहे.
हे ही वाचा >> Uniform Civil Code : मोदी वचनपूर्ती करणार? कायद्यासाठी हालचालींना वेग
मुख्यमंत्री म्हणून कुणाला पसंती? या प्रश्नावर एकनाथ शिंदे यांना 26 टक्के पसंती देण्यात आली आहे, तर देवेंद्र फडणवीस यांना 23 टक्के पसंती मिळाली आहे. मुख्यमंत्री म्हणून उद्धव ठाकरे यांना 11 टक्के लोकांनी पसंती दर्शवली आहे. अशोक चव्हाणांना 9 टक्के, तर अजित पवारांना 7 टक्के व तर इतरांना 24 टक्के पसंती देण्यात आली आहे.
याच सर्व्हेनंतर सर्व माध्यमांमध्ये एक जाहिरात देण्यात आली होती. त्यामध्ये मुख्यमंत्री म्हणून शिंदेंना सर्वाधिक पसंती आणि त्यानंतर फडणवीसांना दुसरी पसंती असं दाखवण्यात आलं होतं. या जाहिरातीत फक्त एकनाथ शिंदे आणि पंतप्रधान मोदी यांचाच फोटो फक्त वापरण्यात आला होता. हीच जाहिरात फडणवीसांच्या जिव्हारी लागली असल्याचं बोललं जात आहे.
ADVERTISEMENT
