Milind Deora : “उद्धव ठाकरेंसोबत जाण्याला मी विरोध केला कारण…”, देवरांचा खळबळ माजावणारा खुलासा

विकासासाठी हातभार

मिलिंद देवरा यांनी काँग्रेस पक्षाला सोडताना आपल्याला भावनिकदृष्ट्या जड जात असल्याचे सांगत हा निर्णय का घेतला तेही त्यांनी सांगितले आहे. त्यांनी जो जाहीर खुलासा दिला आहे. त्यामध्ये त्यांनी एकनाथ शिंदे यांच्यासारख्या सर्वसामान्य माणसांमध्ये मिसळणारे आणि धडाडीचे निर्णय घेणाऱ्या मुख्यमंत्र्यांसोबत काम करत मुंबईच्या विकासामध्ये हातभार लावण्याची इच्छा असल्याचेही त्यांनी यावेळी सांगितले आहे.

हे ही वाचा >> “राऊतांची तीन इंद्रियं निकामी, ऑपरेशन आम्हीच करू”, अजित पवार गटाचा पलटवार

राजकीय संस्कृती समृद्ध

लोकशाहीच्या समतावादी मुल्यांना पुष्टी देत एकनाथ शिंदे म्हणजे मेहनती, समाजात सहज मिसळणारे आणि लोकप्रिय मुख्यमंत्री म्हणून ओळखल्या जाणाऱ्या माणसाचे काम नक्कीच कौतुकास्पद असल्याचे सांगत त्यांच्यासारख्या माणसांमुळे राजकारणातील परिवर्तन हे भारताच्या राजकीय संस्कृतीला समृद्ध करत असल्याचेही त्यांनी सांगितले.

काँग्रेसवर घातक परिणाम

मिलिंद देवरा यांनी यावेळी सांगितले की, राज्यात महाविकास आघाडीचे सरकार स्थापन झाले त्यावेळी मी त्याला विरोध केला होता. कारण त्यावेळी काँग्रेसवर घातक परिणाम होण्याची शक्यता मला वाटत होती. यावेळी दोन्ही पक्षाच्या विचारधारेपेक्षा वैयक्तिक फायद्याला प्राधान्य दिले जात असल्याचेही त्यांनी यावेळी स्पष्ट केले आहे.