Gopichand Padalkar : "100 शकुनी मेल्यानंतर एक पवार जन्माला...", पडळकर, सदाभाऊ खोत पेटले, एकेरी शब्दात बोलले

हे ही वाचा >>Kurla BEST Bus Accident : लेकीचा फोन आला, रिक्षा मिळत नाही म्हणाली अन् नंतर थेट मृतदेह... बापानं जड अंतकरणानं सांगितलं आपबीती

गोपीचंद पडळकर यांनी शरद पवार यांच्यावर टीका करताना म्हटलं, 100 शकुनी मेल्यानंतर एक पवार जन्माला आलाय.  धनगर समाज हा लोकशाही मानत नाही, कायदा मानत नाही म्हणून मारकडवाडीला पुढं करण्यात आलंय. पण हिंदुस्तानातला धनगर समाज लोकशाहीला मानतो. पवारांचा डाव लाथांनी उधळून टाकण्यासाठी आम्ही इथं आलो. जयंत पाटील कपटी, नीच जातीवादी आहेत. सुप्रिया सुळे, रोहित पवार, जयंत पाटलांना राजीनामा द्यायला सांगा. तुमचं माजलेलं बोकड आम्ही बिरोबाला कापतो ना, आमचा का बकरा बनवता? असा खोचक सवाल त्यांनी केला.

पडळकर पुढे म्हणाले, मोहिते, पवार हे सरंजामशाहीवाले, यांना वाटतं आम्हीच राजे आहोत. बाबासाहेब निवडणुकीला उभे होते तेव्हा 14 हजार मतांनी पराभव झाला. पण 74 हजार मतं त्यांनी बाद ठरवली होती. EVM हॅक होत असेल तर दाखवून द्या, एकही माणूस का पुढं येत नाही. मुख्यमंत्री होणार, म्हणून नव्या नवरीसारखे नटले होते 22 तारखेला असा टोलाही पडळकरांनी मारला.  EVM हॅक करुन दाखवा, मी 50 रुपये, सदाभाऊ 51 रुपये देतील असं 101 रुपये आम्ही जयंत पाटलांना देऊ. शरद पवारांनी आमदार, खासदारांचं प्रशिक्षण द्यावं की निवडणुका कशा होतात. असं म्हणत पडळकरांनी पवारांवर आणि जयंत पाटलांवर सडकून टीकाकेली. 

हे ही वाचा >> Dharma Mane Markadwadi : धर्मा माने मारकडवाडीमध्ये, राम सातपुते यांच्याबद्दल काय म्हणाले?

लाडकी बहीण, होमगार्ड, पोलीस पाटील, शेतकरी यांच्यासाठी फडणवीसांनी काम केलं, म्हणून त्यांनी ईव्हीएम हॅक केलं असं उत्तर गोपीचंद पडळकर यांनी विरोधकांना दिलं. केंद्राच्या आणि राज्याच्या योजनांनी EVM मशिन हॅक केलं. पवार आतापर्यंत संस्था हॅक करत होते, पण मारकडवाडीतलं आंदोलन त्यांनी हायजॅक केल असं पडळकर म्हणाले.