Ladki Bahin Yojana : ''लाडकी बहीण योजना कधीच बंद होणार नाही'', CM शिंदेंनी दिला शब्द

जळगाव जिल्ह्याच्या मुक्ताईनगरमध्ये मुख्यमंत्री एकनाथ शिंदेंच्या उपस्थितीत शिवसेनेचा मेळावा पार पडला आहे. या मेळाव्यातूव बोलताना मुख्यमंत्री शिंदे म्हणाले की, लाडक्या बहिणी 20 तारखेला काम करतील. दिवाळी आली आहे. विरोधकांच्या बुडाला फटाके फुटायला लागलेत,असा टोला शिंदेंनी विरोधकांना लगावला आहे. 

हे ही वाचा : Maharashtra Assembly Election : अजित पवारांविरूद्ध उमेदवार ठरला, वंचितची पाचवी यादी जाहीर

आपण देणारा मुख्यमंत्री आहे. लाडकी बहीण योजना सुरू करायची म्हटलं तर अनेकांना हा चुनावी जुमला वाटला, मात्र महिलांच्या खात्यावर पैसे आले, आपण एकदा ठरवले तर आपण स्वतःचे पणं ऐकत नाही, महिलांच्या नावावर पैसे आल्याने विरोधक अफवा पसरवू लागले आहेत. बुरी नजर वाले तेरा मुह काला, पैसे परत जातील म्हणून सांगू लागले, आम्ही मात्र नोव्हेंबरचे पैसे ही अगोदरच दिले आहेत. आता समोरच्याचे डिपॉझिट जप्त झाल्याशिवाय राहणार नाही. काही जणांनी याला कोर्टात नेले, मात्र कोर्टाने त्यांच्या थोबाडीत दिली, आपण आचारसंहिता अगोदर योजना आणली, ही योजना कायम राहणार आहे, त्याचं नियोजन केले आहे, असेही मुख्यमंत्री शिंदे यांनी सांगितले. 

मी गरीबी पाहिली आहे, म्हणून मी ठरवले आहे देण्याची वेळ आली तर आपण द्यायचं. कोणी मायका लाल आला तरीही लाडकी बहीण योजना कधीही बंद होणार नाही, तुम्ही ताकद दिली तर दोन हजार,तीन हजार रूपये देण्यात येतील. देण्याची दानत महायुती सरकारमध्ये आहे. मला बहिणी लखपती झालेल्या पहायचं आहे,असे एकनाथ शिंदे म्हणाले आहेत.

हे ही वाचा : Ladki Bahin Yojana: लाडकी बहीण योजनेविरोधात बँक कर्मचाऱ्यांचं 'या' तारखेला आंदोलन! नेमकं कारण काय?

चंद्रकांत पाटलाना 50 हजाराचा लीड द्या आणि समोरच्याच डिपॉझिट जप्त करा.  पुन्हा राज्यात महायुतीचा सरकार महाराष्ट्रात आल्या शिवाय राहणार नाही, असा विश्वासही मुख्यमंत्री शिंदेंनी यावेळी व्यक्त केला आहे.