‘मविआ’पासून दूर जाण्यासाठी 12 जागांची मागणी? आंबेडकर स्पष्टच बोलले, काँग्रेसला दाखवला आरसा

आम्ही युतीत न येण्यासाठी जास्त जागांची मागणी करतोय असा जे आरोप करतात, मागच्या निवडणुकीत किती ठिकाणी हरले हा हिशोब काढला तर 40 ठिकाणी हरले आहेत. चोराच्या उलट्या बोंबा म्हणतात तसं आहे. स्वत:ला काय करायचे नाही. तुमच्याकडे किती मते याचा विचार करा, असे प्रकाश आंबेडकर म्हणाले आहेत. तसेच स्वबळावर निवडून येऊ शकत नाही म्हणून युती होते. तुमची ताकद निवडून येण्याची नाही. तुमची ताकद नाही म्हणून समझोता करून निवडून येण्याचा प्रयत्न करता. त्या प्रयत्नात तुम्ही सगळ्यांना समान भागीदार म्हणून वागवले पाहिजे असं प्रकाश आंबेडकर यांनी म्हटले आहे.

हे ही वाचा : आई-वडिलांसह बहिणीची कुऱ्हाडीने हत्या, पोटच्या पोरानेच का घेतला जीव?

महायुतीत अजित पवार किमान 8 जागा, एकनाथ शिंदे 14 जागा आणि भाजपा 26 जागा लढेल अशी परिस्थिती आहे. तर महाविकास आघाडीला प्रत्येकी 12-12 जागांचा फॉर्म्युला दिला. शिवसेनेकडे 18 जागांवर लढायचं म्हणत असेल, तर त्यांनी कुणाशीची युती केली नसती. मात्र 18 जागी तुम्ही निवडून येऊ शकत नाही. म्हणून तुम्ही वाटाघाटी करताय, असे प्रकाश आंबेडकरांनी सांगितले.

आमच्यामुळे काँग्रेस-राष्ट्रवादीच्या जागा पडल्या असा आरोप केला जातो.पण ज्यावेळी तुम्ही पक्ष म्हणून असाल तेव्हा निवडणूक लढणे हा मुख्य अजेंडा असतो. जर तुम्ही पडणार असाल तर निवडणुका लढवूच नका. तुम्ही भानगडीत कशाला पडताय? असेही प्रकाश आंबेडकर यांनी म्हटले आहे.