तो 'अनलकी बंगला' एकाही मंत्र्याला नको?, रामटेकचा काय आहे इतिहास?

पंकजा मुंडे रामटेक बंगल्यात राहण्यास तयार

दरम्यान, बावनकुळे हा बंगला कॅबिनेट मंत्री पंकजा मुंडे यांच्याशी अदलाबदल करण्याचा प्रयत्नात असल्याची माहिती सूत्रांनी दिली आहे. रामटेक बंगला हा अत्यंत महत्त्वाच्या ठिकाणी असून अगदी समुद्र किनाऱ्याला लागून आहे. मात्र असं असलं तरीही या बंगल्यात राहणारे मंत्री एकतर भ्रष्टाचाराच्या आरोपात अडकतात किंवा पुन्हा मंत्री होऊ शकत नाहीत, असे बोलले जाते.

हे ही वाचा>> Suresh Dhas : "मुख्यमंत्री किंवा दोन्ही उपमुख्यमंत्र्यांपैकी कुणीही बीडचं पालकमंत्रिपद...."; सुरेश धस यांचा मुंडेंना थेट विरोध?

पण सूत्रांच्या माहितीनुसार, पंकजा मुंडे या मात्र 'रामटेक' बंगला घेण्यास तयार आहेत. कारण त्यांचे वडील गोपीनाथ मुंडे हे मंत्री असताना याच बंगल्यात राहत होते. त्यामुळेच या बंगल्याशी पंकजा यांचे भावनिक नाते असल्याचे बोलले जात आहे.

रामटेक बंगल्याचा इतिहास

छगन भुजबळ : काँग्रेस-राष्ट्रवादी काँग्रेस यांच्या आघाडी सरकारच्या काळात भुजबळांना हा बंगला मिळाला होता. यावेळी मंत्री असताना तेलगी घोटाळा समोर आला होता. या स्टॅम्प पेपर घोटाळ्यात भुजबळांवर काही गंभीर आरोप झाले होते. त्यामुळे त्यांना मंत्रिपदाचा राजीनामा द्यावा लागला होता.

हे ही वाचा>> Sharad Pawar Call Devendra Fadnavis : शरद पवार यांचा देवेंद्र फडणवीस यांना फोन, 'या' घटनेवर बोेलताना म्हणाले...

एकनाथ खडसे : भाजप-शिवसेना 2014 मधील सरकारच्या काळात कृषीमंत्री एकनाथ खडसे यांना रामटेक बंगला मिळाला होता. मात्र त्यावेळी त्यांच्यावर भ्रष्टाचाराचे आरोप झालेले. यामुळे त्यांना मंत्रिपदाचा राजीनामा द्यावा लागला होता. तसेच त्यानंतर त्यांना आतापर्यंत पुन्हा मंत्री होता आलं नाही.

पुन्हा छगन भुजबळ : 2019 मध्ये राज्यात महाविकास आघाडीचे सरकार आले, त्या सरकारमध्ये भुजबळांना अन्न व नागरी पुरवठा मंत्रालय मिळाले. पण भुजबळ मंत्री असलेले मविआ सरकार अडीच वर्षांत पडले. त्यामुळे भुजबळांना रामटेक बंगला सोडावा लागलेला.

दीपक केसरकर : मागील महायुती सरकारमध्ये मंत्री असलेले दीपक केसरकर यांना हा बंगला मिळाला होता. दरम्यान, विधानसभा निवडणुकीत महायुतीला मोठे यश मिळाले असतानाच केसरकर यांना मात्र मंत्रिपद गमवावे लागले आहे. कारण फडणवीस मंत्रिमंडळातून त्यांचे नाव वगळण्यात आले.