होम
विधानसभा 2024
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
Mukhyamantri Mazi Ladki Bahin Yojana: मुंबई: मुख्यमंत्री माझी लाडकी बहीण या योजनेची घोषणा राज्य सरकारने केल्यापासून याबाबत वेगवेगळे प्रश्न उपस्थित केले जात आहेत. कारण या योजनेअंतर्गत पात्र महिलांना दरमहा 1500 रुपये सरकारच्या वतीने दिले जाणार आहेत. मात्र, असं असलं तरीही या योजनेचा नेमका कसा लाभ घ्यावा आणि त्यासाठी नेमकी पात्रता काय असणार याविषयी अनेकांच्या मनात संभ्रम कायम आहे. त्यामुळे या योजनेसंबंधी आपल्या मनातील प्रत्येक प्रश्नाच उत्तर आम्ही देणार आहोत. (mukhyamantri mazi ladki bahin yojana answer to every question in your mind)
ADVERTISEMENT
मुख्यमंत्री माझी लाडकी बहीण योजनेसंबंधी प्रत्येक प्रश्नाचं उत्तर
1. मुख्यमंत्री माझी लाडकी बहीण योजना काय आहे?
राज्यातील महिलांना स्वावलंबी बनविण्याच्या उद्देशाने महाराष्ट्र सरकारने मुख्यमंत्री माझी लाडकी बहीण योजना सुरू करण्याची घोषणा केली आहे. या योजनेद्वारे, महाराष्ट्र सरकार राज्यातील सर्व गरीब कुटुंबातील महिलांना दरमहा 1500 रुपयांची आर्थिक मदत करणार आहे.
हे ही वाचा>> एका कुटुंबातील किती महिलांना मिळणार 1500 रुपये?, फडणवीसांची मोठी घोषणा
2. मुख्यमंत्री माझी लाडकी बहीण योजना कधी सुरू झाली?
2024-25 चा अंतरिम अर्थसंकल्प विधानसभेत सादर करताना अर्थमंत्री अजित पवार यांनी 'मुख्यमंत्री माझी लाडकी बहीण योजना' जाहीर केली.
3. मुख्यमंत्री माझी लाडकी बहीण योजनेत किती रक्कम मिळणार?
मुख्यमंत्री माझी लाडकी बहीण योजनेंतर्गत राज्यातील 21 वर्षे ते 65 वर्षे वयोगटातील सर्व पात्र महिलांना दरमहा 1500 रुपये दराने वार्षिक 18000 रुपयांची आर्थिक मदत दिली जाणार आहे.
4. मुख्यमंत्री माझी लाडकी बहीण योजनेअंतर्गत कोणत्या महिलांना लाभ मिळणार आहे?
निराधार, विधवा आणि गरीब कुटुंबातील सर्व महिला या योजनेसाठी पात्र असतील.
हे ही वाचा>> मुंबई Tak Impact: लाडकी बहीण योजनेसाठी महिलांकडून लाच, तलाठ्यावर कारवाई!
5. मुख्यमंत्री माझी लाडकी बहीण योजनेचा लाभ घेण्यासाठी संबंधित महिलेचे वार्षिक उत्पन्न किती असावे?
मुख्यमंत्री माझी लाडकी बहीण योजनेचा लाभ घेण्यासाठी अर्जदार महिलांचे वार्षिक उत्पन्न 2.5 लाख रुपये किंवा त्यापेक्षा कमी असावे.
6. मुख्यमंत्री माझी लाडकी बहीण योजनेसाठी अर्ज कसा करावा?
ज्या इच्छुक महिलांना मुख्यमंत्री माझी लाडकी बहीण योजनेचा लाभ घेण्यासाठी ऑनलाइन किंवा ऑफलाइन अर्ज करता येईल.
7. मुख्यमंत्री माझी लाडकी बहीण योजना फॉर्म कसा डाउनलोड करायचा?
सर्वप्रथम, मुख्यमंत्री माझी लाडकी बहिन योजनेच्या अधिकृत वेबसाइटवर जा आणि होम पेजवर दिलेल्या "अर्ज फॉर्म" च्या लिंकवर क्लिक करा. आता तुमच्यासमोर मुख्यमंत्री माझी लाडकी बहीण योजना फॉर्म PDF स्वरूपात उघडेल. तुम्ही येथे डाउनलोड वर क्लिक करून फॉर्म PDF स्वरूपात मिळवू शकता.
8. महाराष्ट्र मुख्यमंत्री माझी लाडकी बहीण योजनेसाठी कोणती कागदपत्रे आवश्यक आहेत?
योजनेसाठी अर्ज करण्यासाठी आधार कार्ड, रहिवासी प्रमाणपत्र, बँक खाते पासबुक, उत्पन्नाचा दाखला, वयाचा दाखला, मोबाईल क्रमांक (आधारशी जोडलेला), जात प्रमाणपत्र, रेशनकार्ड, पासपोर्ट आकाराचा फोटो आणि मुख्यमंत्री माझी लाडकी बहीण योजना फॉर्म इत्यादी कागदपत्रे. सदर योजनेमध्ये लाभ मिळण्याकरिता अर्जदार महिलेकडे महाराष्ट्र राज्याचे अधिवास प्रमाणपत्र (लाभार्थी महिलेकडे अधिवास प्रमाणपत्र उपलब्ध नसेल तर त्याऐवजी त्या महिलेचे 15 वर्षापूर्वीचे रेशनकार्ड, मतदार ओळखपत्र, शाळा सोडल्याचे प्रमाणपत्र व जन्म दाखला या 4 पैकी कोणतेही ओळखपत्र/प्रमाणपत्र ग्राह्य धरण्यात येईल.
9. योजनेमध्ये लाभ मिळण्याकरिता कोणती कागदपत्रे सादर करणे आवश्यक आहे?
योजनेमध्ये लाभ मिळण्याकरिता सक्षम प्राधिकारी यांनी दिलेला कुटुंब प्रमुखाचा उत्पन्नाचा दाखला (वार्षिक उत्पन्न रु. 2.50 लाखापर्यंत असणे अनिवार्य आहे. तथापि, पिवळे आणि केशरी रेशनकार्ड धारकांना उत्पन्नाच्या दाखला प्रमाणपत्रातून सूट देण्यात येत आहे.)
ADVERTISEMENT
