ठाकरेंची 'या' निवडणुकीत बाजी, भाजपला दिला धोबीपछाड

राखीव प्रवर्गातील पाचही जागांवर ठाकरेंच्या युवासेनेचे उमेदवार विजयी झाले आहेत.इतर मागासवर्गीयमध्ये युवासेनेचे मयूर पांचाळ, महिला प्रवर्गातून स्नेहा गवळी, अनुसूचित जाती प्रवर्गातून शितल देवरूखकर, अनुसुचित जमाती प्रवर्गातून डॉ. धनराज कोहचाडे, व्हिजेएनटी प्रवर्गातून शशिकांत झोरे हे उमेदवार विजयी ठरले आहे.(mumbai university senate election result 2024 udhhav thackeray shiv sena ubt yuvasena won 10 out of 5 seat abvp vs yuvasena)

युवा सेना ठाकरे गटाच्या शीतल देवरुखकर यांनी अनुसूचित जाती प्रवर्गातून (SC) 5498 मतं खेचून आणली. तर त्यांच्याविरोधातील उमेदवार, अखिल भारतीय विद्यार्थी परिषदेचे राजेंद्र सायगावकर यांना 1014 मते पडली. देवरुखकर यांनी एबीव्हीपीवर मात करत विजयाचा झेंडा फडकवला. तर अनुसूचित जमाती प्रवर्गात (ST) युवासेना धनराज कोहचाडे यांना 5247 मते मिळाली. तर ABVP च्या उमेदवार निशा सावरा  918 यांना मतदान खेचण्यात यश आले नाही. त्यांना हजाराचा टप्पा गाठता आला नाही. युवासेनेचे मयूर पांचाळ आणि स्नेहा गवळी यांनी पण विजयाचा फेटा डोईवर बांधला आहे. धनराज कोहवाडे आणि शशिकांत झोरेही विजयी झाले.

हे ही वाचा : Ladki Bahin Yojana: 4500 खात्यात आलेच नाही...आता पुढे काय करायचं?

मुंबई विद्यापीठ सिनेट निवडणूक 2024 निकाल
युवासेनेचे राखीव गटातील विजयी उमेदवार
1)स्नेहा गवळी-महिला राखीव
2)शीतल देवरुखकर-शेठ-अनुसूचित जाती
3)धनराज कोहचाडे-अनुसूचित जमाती-
4)शशिकांत झारे-विज-भज(DT-NT)
5)मयुर पांचाळ-इतर मागसवर्ग

मुंबई विद्यापीठाच्या 10 नोंदणीकृत पदाधिकाऱ्यांच्या जागाकरीता मंगळवारी 24 सप्टेंबर 2024 रोजी मतदान पार पडले होते. सध्या निवडणुकीची मतमोजणी सुरु आहे. या 10 जागांवरील निवडणुकीसाठी एकूण 28 उमेदवार रिंगणात उतरले आहेत. या निवडणुकीत ठाकरे गटाची युवासेना आणि अखिल भारतीय विद्यार्थी परिषद यांच्यात थेट लढत होत आहे. 

मुंबई विद्यापीठाच्या सिनेट निवडणुकीसाठी युवासेना आणि अभाविपने सर्व दहा जागांवर आपले उमेदवार उभे केले होते. तर छात्रभारतीने चार, मनसेने एक उमेदवार निवडणुकीच्या रिंगणात उतरवला आहे. तर एकनाथ शिंदे गटाकडून एकही उमेदवारी सिनेटच्या निवडणुकीत उतरवण्यात आलेला नाही.