Ajit Pawar Candidates List : राष्ट्रवादी काँग्रेसच्या पहिल्या यादीत कोणत्या लाडक्या बहिणींना संधी?

भाजपाने पहिल्या यादीत 99, शिवसेना शिंदे गटाने 45 आणि अजित पवार राष्ट्रवादी काँग्रेस पार्टीने 38 जणांना उमेदवारी जाहीर केली आहे. एकूणच आता 106 जागांवर उमेदवार जाहीर होणं बाकी आहे. त्यामुळे कोणाच्या वाटेला सर्वात जास्त आणि कोणाच्या वाटेला कमी जागा येणार हे पाहणं रंजक असेल.

हेही वाचा : Ajit Pawar Candidates List: अजितदादांचा मोठा डाव, NCP ची पहिली यादी आली समोर

अजित दादा गटाने कोणत्या लाडक्या बहिणींना दिली संधी?

सध्या महाराष्ट्रात महायुतीची लाडकी बहीण योजना तुफान चर्चेत आहे. विधानसभा निवडणुकीच्या पार्श्वभूमीवर आणलेली ही योजना महायुतीसाठी निवडणुकीत किती फायद्याची ठरतेय याकडे सर्वांचं लक्ष आहे. त्याचबरोबर महायुतीतील तिनही पक्षांची आता पहिली उमेदवारांची यादी जाहीर झाली आहे. यामध्ये भाजपने 13 महिला उमेदवार, शिवसेना शिंदे गटाने 3 महिला उमेदवार तर अजित पवारांच्या राष्ट्रवादीने चार महिला उमेदवारांना संधी दिली आहे. 

अजित पवारांनी पहिल्या उमेदवार यादीत चार महिलांना राष्ट्रवादी काँग्रेस पक्षाचं तिकीट दिलं आहे. श्रीवर्धमधून आदिती तटकरे, नाशिक देवळालीमधून सरोज आहिरे, अमरावती शहरमधून सुलभा खोडके आणि पाथरी येथून निर्मला उत्तमराव विटेकर यांना तिकीट दिलंय.