Jayant Patil: 'दोन्ही उपमुख्यमंत्र्यांना खूर्ची लाडकी...', लाडकी बहीण योजनेबाबत जयंत पाटील नेमकं काय म्हणाले?

जयंत पाटील महायुतीवर टीका करत म्हणाले, मुख्यमंत्र्यांचे पटत नसले तरी दोन्ही उपमुख्यमंत्र्यांना आपली खुर्ची लाडकी असल्याने ती सोडायला ते तयार नाही. खुर्चीसाठी काहीही म्हणणारे हे नेते बाणेदारपणा दाखवायला तयार नाहीत. राष्ट्रवादी काँग्रेस शरदचंद्र पवार पक्षाच्यावतीने काढण्यात आलेल्या शिवस्वराज्य यात्रेचे शुक्रवारी साताऱ्यात स्वागत करण्यात आले.  शाहू कलामंदिरात आयोजित सभेत जयंत पाटील बोलत होते. 

हे ही वाचा >>Ladki Bahin Yojana : चौथ्या हप्त्यात महिलांच्या खात्यात किती पैसे येणार? आकडा एकूण दिवाळी दणक्यात कराल साजरी!

जयंत पाटील म्हणाले, सध्याच्या राज्यकर्त्यांनी जीएसटी एवढ्या प्रमाणात वसूल केला. त्याच्या जीवावर चोचले पुरवले जात आहेत. लोकसभा निवडणुकीआधी सरकार जरा ताठ होते. मात्र, लोकसभा झाल्यावर सरकार मऊ झाले. शरण आल्यासारखे करत आहे. लोक जे मागतील ते द्यायला सरकार तयार आहे. आमदार, खासदार जे देत नाही, तेही द्यायला तयार आहे.

मात्र, जनतेच्या पदरात केवळ घोषणा पडणार आहेत. सरकारने केलेल्या घोषणांमुळे कामे करण्यासाठी सरकारकडे पैसे नाहीत. सरकारने केलेल्या घोषणांसाठी सर्व पैसे एकत्र करण्याचा प्रयत्न चालू आहे. वित्त विभाग, महसूल विभाग फाईलींवर योजनेसाठी पैसे नाहीत, असे लिहितो, तरीही रेटून निर्णय घेतले जातात, असं म्हणात पाटील यांनी विरोधकांवर हल्लाबोल केला आहे.