Bangladesh Violence: आरक्षणाच्या वादामुळे पंतप्रधानपद गेलं, बांग्लादेशात तुफान हिंसाचार.. शेख हसीना भारतात!

ढाका ट्रिब्यूनने दिलेल्या वृत्तानुसार शेख हसीना या भारतासाठी रवाना झाल्या आहेत. शेख हसीना यांची बहीणही त्यांच्यासोबत असल्याचे बोलले जात आहे. शेख हसीना यांच्या मुलाने देशाच्या सुरक्षा दलांना सत्तापालटाचे संभाव्य प्रयत्न यशस्वी होऊ देऊ नयेत असे आवाहन केले आहे. दरम्यान, राजधानी ढाकासह देशभरात लष्कर तैनात करण्यात आले आहे. तसेच कर्फ्यूही लागू करण्यात आला आहे. याआधी सत्ताधारी अवामी लीग आणि प्रमुख विरोधी पक्ष बीएनपी यांच्यात लष्कराच्या मुख्यालयात महत्त्वाची बैठक पार पडत आहे.