Narendra Modi यांनी ओबीसींसाठी नेमकं केलं काय? राहुल गांधींनी पंतप्रधानांना घेरलं

सरकार काही करणार नाही

महिला आरक्षण विधेयक चांगले आहे. मात्र त्याआधी जनगणना करण्यासाठी मोठा कालावधी लागणार आहे. जनगणना आणि सीमांकन या दोन्ही गोष्टी यासाठी महत्वाच्या आहेत. त्यांनी म्हटले आहे की, आरक्षण आजही लागू केले जाऊ शकते, आणि ही फार अवघड गोष्ट आहे असंही नाही. मात्र हे सरकार तसं काही करणार नाही असंही त्यांनी यावेळी सांगितले.

दहा वर्षांनी लागू होईल

महिला आरक्षण विधेयक जरी सादर केले असले तरी ते आतापासून दहा वर्षांनी लागू होईल. तसेच हेही खरं आहे की, हे विधेयक किती लागू करतील याबाबतही शंका आहे. त्यामुळे सरकारकडून फक्त लोकांचे लक्ष विचलित करण्यासाठी हा प्रकार केला असल्याचा गंभीर आरोप राहुल गांधी यांनी केला आहे. राहुल गांधी यांनी पंतप्रधान यांच्या ओबीसी वक्त्यव्यावरून त्यांच्या जोरदार टीका केली आहे. नरेंद्र मोदी यांच्याकडून सांगण्यात येत आहे की, मी ओबींसीसाठी प्रचंड काम करत आहे. ते एवढं काम करत असतील तर संसदेतील 90 सचिवां पैकी फक्त तीनच सचिव पुढं कसं काय असा सवाल त्यांनी केला आहे.

जातिनिहाय जनगणना

राहुल गांधी यांनी यावेळी जातिनिहाय जनगणना करण्याची मागणी केली यावेळी ते म्हणाले की, जातिनिहाय जनगणना त्यांना करायची नाही त्यासाठी त्यांना नागरिकांची दिशाभूल करायची आहे, मात्र देशातल्या ओबीसींची संख्या नेमकी किती आहे? हे आम्हाला समजलंच पाहिजे, अशी आक्रमक भूमिका घेऊन जातीनिहाय जनगणना करण्याची मागणी त्यांनी अगदी आक्रमकपणे केली.

ओबीसी समाजासाठी काय केले

ज्या प्रकारे त्यांनी ओबींसीबाबत पंतप्रधानांना सवाल केला त्याच प्रमाणे त्यांनी त्यांना दुसरा सवालही उपस्थित केला. ओबीसीसाठी अर्थसंकल्पामध्ये अधिकारी लोकं अर्थसंकल्प किती प्रमाणात नियंत्रित करत आहेत. मात्र माहिती काढल्यानंतर समजलं की, फक्त 5 टक्केच नियंत्रणात आणले जाते. पंतप्रधान नरेंद्र मोदी यांनी नेहमी मी ओबीसीसाठी काम करत असल्याचे सांगितले तरी त्यांनी नेमकं ओबीसी समाजासाठी काय केले असा सवालही त्यांनी केला आहे.

ते मूर्तीसारखे खासदार

राहुल गांधी यांनी ओबीसी खासदारांबाबतही टिकाटिपणी केली आहे. यावेळी ते म्हणाले की, जे खासदार लोकसभेत आहेत, ते मूर्तीसारखे खासदार आहेत. त्यांना कोणताही अधिकार नसल्याचे सांगत त्यांनी पंतप्रधान नरेंद्र मोदी यांच्यावर निशाणा साधला आहे.