नाना पाटेकर निवडणूक लढविणार का? शरद पवारांच्या विधानाने…

मी अजून ऐकलं नाही

शरद पवार यांनी अमरावती दौऱ्यात केंद्र सरकारसह त्यांनी आगामी काळातील होणाऱ्या लोकसभा आणि विधानसभा निवडणुकीवर स्पष्ठपणे बोलत त्यांनी भाजपवर जोरदार टीका केली. यावेळी शरद पवार यांना नाना पाटेकर खडकवासला मतदार संघातून निवडणूक लढण्याची इच्छा व्यक्त केली आहे का ? असा सवाल पत्रकारांनी करताच त्यांनी थेट उत्तर देत हे असं मी अजून तरी ऐकलं नसल्याचे सांगितले. शरद पवारांनी यावेळी अनेक प्रश्नांची उत्तर देत त्यांनी केंद्र सरकारवरही जोरदार हल्लाबोल केला.

हे ही वाचा >> पुणे हादरलं! कॉलेजजवळच 10 सिलिंडर फुटले, नेमकं प्रकरण घडलं कसं?

नाना पाटेकरांचं भाकीत

नाना पाटेकर यांनी नुकताच एका दिलेल्या मुलाखतीत सांगितले की, आगामी काळात होणाऱ्या निवडणुकीत भाजपला 350-375 जागा मिळतील आणि पुन्हा भाजप सत्तेत येईल असं भाकीत त्यांनी वर्तवलं होतं. त्याचबरोबर भाजप देशात उत्तम काम करत असल्याचेही त्यांनी सांगितले. त्याचबरोबर 2024 मध्ये होणाऱ्या निवडणुकीत भाजप पक्षाला नक्कीच यश मिळेल आणि आणि पुन्हा नरेंद्र मोदीच देशाचे पंतप्रधान होतील असं स्पष्टपणे सांगितले होते. त्यानंतर आज पुन्हा एकदा नाना पाटेकरांच्या या निवडणूक लढवण्याविषयी विचारले असता शरद पवारांनी ही गोष्ट मी तुमच्याकडून ऐकतोय असंही स्पष्टपणे त्यांनी सांगितले.

नाना पाटेकर माझे मित्र

यावेळी ते म्हणाले की, खडकवासला हा माझ्या मतदार संघ माझ्या घराजवळ आहे, त्याचबरोबर अभिनेता नाना पाटेकर हे माझे मित्र आहेत. मात्र याबाबत अजून तरी तसं काही बोलणं झालं नसल्याचे सांगत हे मी माध्यमांमधूनच ऐकतोय असंही त्यांनी स्पष्ट केले.

भाजपकडून स्वार्थी राजकारण

शरद पवार यांनी भाजपवर टीका करत त्यांनी निलंबित केलेल्या खासदारांवरूनही त्यांनी केंद्रावर निशाणा साधला. प्रश्न विचारणं ही त्यांची चूक आहे का असा सवालही त्यांनी यावेळी केला. ईडी, सीबीआयच्या माध्यमातून त्यांचा राजकीय फायद्यासाठी भाजपकडून वापर केला जात असल्याची टीकाही त्यांनी केली.