Sindhudurga: आदित्य ठाकरेंची वाट अडवली, निलेश राणे पोलिसांना म्हणतात; 'तो आमच्या एरियात आलाय...'

आदित्य ठाकरे हे राजकोट येथे राजकारण करण्यासाठी आले आहेत असा आरोप राणे पिता-पुत्रांनी केला. त्याचवेळी समर्थकांमध्ये जोरदार झटापट देखील झाली. ज्यानंतर निलेश राणेंनी आपण मागे हटणार नाही अशी भूमिका घेतली. त्यामुळे सिंधुदुर्गतील राजकोटवर तणाव निर्माण झाला होता. 

'तो आमच्या एरियात आलाय...', निलेश राणे पोलिसांना काय म्हणाले?

दरम्यान, हे सगळं प्रकरण अधिक चिघळू नये यासाठी सिंधुदुर्ग पोलीस हे प्रयत्नांची पराकाष्ठा करत होते. कोणतीही अप्रिय घटना घडू नये यासाठी पोलीस हे दोन्ही बाजूकडील लोकांना समजविण्याचा प्रयत्न करत होते. 

त्याचवेळी निलेश राणे थेट पोलिसांनाच म्हणाले की, 'आम्हाल विनंती करूच नका.. त्यांना बाहेर घेऊन जा.. आम्ही दिवसभर जाणार नाही.. तुम्ही आम्हाला ओळखता ना.. आम्ही दिवसभर जाणार नाही. तो (आदित्य ठाकरे) आमच्या एरियात आलाय... आम्ही त्याच्या अंगावर गेलो नाही.. दुसऱ्या दरवाजाने त्याला घेऊन जा.. एंट्री पहिली आमची झालीए.' असं म्हणत निलेश राणेंनी मुख्य द्वारातून बाहेर जाण्यास मनाई केली होती. 

पोलिसांच्या मध्यस्थीनंतर आदित्य ठाकरे किल्ल्याच्या मुख्य द्वारातूनच पडले बाहेर

दरम्यान, सिंधुदुर्ग पोलिसांनी मध्यस्थीनंतर केल्यानंतर आदित्य ठाकरे हे राजकोट किल्ल्याच्या मुख्य द्वारातूनच बाहेर पडले. पण त्यावेळी देखील नारायण राणे आणि निलेश राणे हे बाजूला आपल्या समर्थकांसह उभे होते. तेव्हा इथे दोन्हीकडून बाजूने मोठ्या प्रमाणात घोषणाबाजीही झाली.