महाराष्ट्राच्या नव्या मुख्यमंत्र्यांचं नाव जाहीर, शपथविधीची निमंत्रण पत्रिका पाहिली का?

देवेंद्र फडणवीस हेच मुख्यमंत्री होतील की, भाजप नेतृत्व इतर कोणाला मुख्यमंत्री करणार याबाबत अनेक चर्चा सुरू होत्या. पण जोवर विधीमंडळ नेता निवडला गेला नाही तोवर भाजपकडून फडणवीसांच्या नावाची अधिकृत घोषणा केली नाही. मात्र, आता नेता निवडीची प्रक्रिया पार पडल्यानंतर महाराष्ट्राचे नवे मुख्यमंत्री म्हणून देवेंद्र फडणवीस यांची निवड झाली आहे. 

शपथविधीची निमंत्रण पत्रिका जशीच्या तशी... 

श्री. नरेंद्र मोदी (मा. पंतप्रधान) यांच्या प्रमुख उपस्थितीत श्री. देवेंद्र सरिता गंगाधरराव फडणवीस यांचा महाराष्ट्र राज्याचे मुख्यमंत्री म्हणून
तसेच उप मुख्यमंत्री आणि महाराष्ट्र राज्याच्या मंत्रिमंडळातील सदस्यांचा शपथविधी समारंभ गुरुवार, दिनांक ५ डिसेंबर, २०२४ रोजी सायंकाळी ५-३० वाजता आझाद मैदान, फोर्ट, मुंबई येथे आयोजित करण्यात आला आहे. या प्रसंगी आपण कृपया उपस्थित रहावे, ही विनंती.

पोशाख: राष्ट्रीय / समारंभीय

(१) ही निमंत्रणपत्रिका केवळ एका व्यक्तीकरिता आहे.
(२) समारंभस्थळी गेट क्रमांक ७ (महात्मा गांधी मार्ग) येथे प्रवेशासाठी ही निमंत्रणपत्रिका कृपया दाखवावी.
(३) सुरक्षेच्या दृष्टीने सायंकाळी ४-३० पर्यंत आसनस्थ होणे अनिवार्य आहे.
(४) कृपया भ्रमणध्वनी व्यतिरिक्त कोणतीही वस्तू सोबत आणू नये.
(५) ही निमंत्रणपत्रिका अहस्तांतरणीय आहे.

सुजाता सौनिक,
मुख्य सचिव