Uddhav Thackeray : मोठी बातमी! ठाकरे गटाच्या लोकसभा गटनेते पदी 'या' नेत्याची नियुक्ती

Uddhav Thackeray shiv sena ubt : शिवसेना उद्धव बाळासाहेब ठाकरे पक्षाच्या (Shiv Sena UBT)लोकसभा गटनेते पदी शिवसेना नेते, खासदार अरविंद सावंत (Arvind Sawant) यांची नियुक्ती करण्यात आली आहे. तर दक्षिण-मध्य मुंबईचे नवनिर्वाचित खासदार अनिल देसाई (Anil Desai) यांची प्रतोदपदी नियुक्ती करण्यात आली आहे. (uddhav thackeray shiv sena ubt appoint arvind sawant group leader anil desai chief whip in lok sabha sanjay raut group leader of rajya sabha)  
 
लोकसभा निवडणुकीमध्ये ठाकरेंच्या शिवसेनेचे नऊ खासदार निवडून आले होते. दक्षिण मुंबई लोकसभा मतदारसंघातून अरविंद सावंत यांनी सलग तिसऱ्यांदा निवडणूक जिंकत हॅटट्रिक साधली. त्यानंतर आता त्यांच्यावर पक्षाने मोठी जबाबदारी सोपवली आहे. लोकसभेमध्ये शिवसेनेच्या गटनेतेपदी खासदार अरविंद सावंत यांची नियुक्ती करण्यात आली आहे. तर दक्षिण-मध्य मुंबईचे नवनिर्वाचित खासदार अनिल देसाई यांची प्रतोदपदी नियुक्ती करण्यात आली आहे. तर शिवसेना नेते, खासदार संजय राऊत यांची राज्यसभा गटनेतेपदी आणि दोन्ही सभागृहांच्या संसदीय पक्षाचे नेतेपदी नियुक्ती करण्यात आली आहे.