Waqf Board : "वक्फ बोर्डाचा देशातील 994 मालमत्तांवर बेकायदेशीर...", संसदेत दिलेल्या उत्तरातून आकडेवाडीर समोर

हे ही वाचा >> Mumbai Kurla BEST Bus Accident : अपघातग्रस्त BEST बस चालक 9 दिवसाआधीच नोकरीला लागला? तपासात धक्कादाय माहिती उघड

अल्पसंख्याक व्यवहार मंत्री किरेन रिजिजू यांनी वक्फ बद्दलच्या प्रश्नावर उत्तर देताना म्हटलं की, 'उपलब्ध माहितीनुसार 994 मालमत्तांवर वक्फने बेकायदेशीरपणे कब्जा केल्याची माहिती मिळाली आहे.' तसंच देशभरातील अशा एकूण 994 मालमत्तांपैकी तामिळनाडूमध्ये सर्वाधिक 734 मालमत्ता आहेत. त्यानंतर आंध्र प्रदेशमध्ये 152, पंजाबमध्ये 63, उत्तराखंडमध्ये 11 आणि जम्मू आणि काश्मीरमध्ये 10 मालमत्ता आहेत.

2019 पासून वक्फला जमीन मिळालेली नाही

हे ही वाचा >> Markadwadi BJP Sabha : जिथे पवारांची सभा झाली, तिथेच भाजपची सभा, गावभर होर्डिंग्ज; "फेक नरेटीव्ह विरुद्ध...

केंद्रीय गृहनिर्माण आणि शहरी व्यवहार मंत्रालयाने सोमवारी राज्यसभेत सांगितलं की, केंद्र सरकारने 2019 पासून वक्फ बोर्डाला कोणतीही जमीन प्रदान केलेली नाही. केंद्र आणि राज्य सरकारांनी 2019 पासून आतापर्यंत वक्फ बोर्डाला दिलेल्या जमिनीच्या माहितीबाबत विचारलेल्या प्रश्नाला उत्तर देताना मंत्रालयाने सांगितले की, राज्य सरकारांनी दिलेल्या जमिनींबाबत कोणतीही आकडेवारी उपलब्ध नाही. तसंच गृहनिर्माण आणि शहरी व्यवहार मंत्रालयाच्या संबंधीत 2019 पासून भारत सरकारने वक्फ बोर्डाला कोणतीही जमीन प्रदान केलेली नाही. तसंच जेपीसीच्या अध्यक्ष जगदंबिका पाल म्हणाल्या की, या पॅनलने राज्य सरकार आणि त्यांच्या अधिकारक्षेत्रातील वादग्रस्त वक्फ मालमत्तेचा तपशील मागितला आहे.