Abdul Razzaq Aishwarya Rai: ‘ऐश्वर्यासोबत लग्न करू आणि मुलंही…’, रझाकने काय बरळला?

पाकिस्तानचा माजी अष्टपैलू खेळाडू अब्दुल रझाकने पाकिस्तान क्रिकेट बोर्डावर (पीसीबी) टीका करत सर्व मर्यादा ओलांडल्या. अब्दुल रझाकने पीसीबीची तुलना बॉलिवूड अभिनेत्री ऐश्वर्या रायसोबत केली आणि तिच्या चारित्र्याबद्दल वाईट विधान केले.

आफ्रिदी आणि इतर खेळाडू रझाकच्या विधानावर हसत राहिले

एका कार्यक्रमात पीसीबीच्या भूमिकवर बोलताना रझाकने ऐश्वर्या रायबद्दल हीन टीका केली. रझाक म्हणाला की, “जर तुम्हाला वाटत असेल की, मी ऐश्वर्या रायशी लग्न करेन आणि नंतर मला चांगले मुलही होईल, तर असे कधीही होऊ शकत नाही. त्यामुळे तुम्हाला आधी तुमचे नियत चांगली ठेवावी लागेल.” रझाकचा हा व्हिडिओ सोशल मीडियावर व्हायरल होत आहे.

हे ही वाचा >> World Cup 2023 नंतर सूर्यकुमार यादव किंवा ऋतुराज गायकवाड होणार कर्णधार?

रझाकने हे विधान केले तेव्हा 2009 टी-20 विश्वचषक विजेता संघातील खेळाडू शाहिद आफ्रिदी आणि इतर खेळाडू त्यांच्यासोबत मंचावर उपस्थित होते. हे ऐकून सगळे हसायला लागले. रझाकसोबत हे सर्व खेळाडूही कार्यक्रमात सहभागी झालेले होते.

अब्दुल रझाक काय बोलला होता?

रझाक म्हणाला होता की, “मी इथे पीसीबीच्या हेतूबद्दल बोलत आहे. जेव्हा मी खेळत होतो तेव्हा मला माहित होते की, माझा कर्णधार युनूस खानचा हेतू चांगला आहे. मी त्याच्याकडून आत्मविश्वास आणि धैर्य शिकलो आणि अल्लाहचे आभार मानतो की मी पाकिस्तान क्रिकेटसाठी चांगली कामगिरी करू शकलो.”

हे ही वाचा >> Angelo Mathews Time Out : सौरभ गांगुली होणार होता ‘टाइम आऊट’, पण…

पुढे रझाक म्हणाला की, “जर तुम्हाला वाटत असेल की मी ऐश्वर्या रायशी लग्न करेन आणि त्यानंतर मला एक सद्गुणी मूल होईल, तर असे कधीही होऊ शकत नाही. म्हणूनच तुम्हाला आधी तुमचा हेतू नीट ठरवावा लागेल.” त्या कार्यक्रमात रझाकसोबत 2009 टी-20 विश्वचषक विजेता संघाचा खेळाडू शाहिद आफ्रिदी आणि इतर खेळाडू मंचावर उपस्थित होते. हे ऐकून ते सगळे हसायला लागले.

सिंघवी-आरजूसह अनेकांनी टीका केली

यावर टीका करताना काँग्रेसचे नेते अभिषेक मनु सिंघवी यांनी आपल्या पोस्टमध्ये लिहिले की, “रझाकची भारतीय अभिनेत्रीबद्दल असभ्य टिप्पणी आणि त्यावर त्याच्या सहकाऱ्यांचे हसणे हे दर्शवते की पाकिस्तानची स्वतःची मानसिकता खूपच सडलेली आहे, जी मानसिकदृष्ट्या अपंग मुले तयार करत आहे.”

हे ही वाचा >> Glenn Maxwell : वेदनेने कासावीस, तरीही खेळला; मॅक्सवेलने मोडला कपिल देव यांचा विक्रम

पाकिस्तानी पत्रकार आरजू काझमींनी सोशल मीडिया पोस्टमध्ये लिहिले आहे की, “ही आमच्या क्रिकेटपटूंची मानसिकता आहे. ऐश्वर्या रायबद्दलच्या टिप्पणीबद्दल रझाकला लाज वाटली पाहिजे. रज्जाकने हे लज्जास्पद उदाहरण समोर ठेवलं आहे.”

शोएब अख्तरने रज्जाक आणि आफ्रिदीलाही खडसावले

पाकिस्तानचा माजी वेगवान गोलंदाज शोएब अख्तर म्हणाला, ‘रज्जाकने केलेल्या या घाणेरड्या विनोदाचा आणि तुलना करणाऱ्या विधानाचा मी निषेध करतो. कोणत्याही महिलेचा असा अपमान होता कामा नये. त्याच्या शेजारी बसलेल्या लोकांनी हसून टाळ्या वाजवण्याऐवजी आवाज उठवायला हवा होता”, अशा शब्दात अख्तरने रझाकला सुनावलं.

रझाकने मागितली माफी

या वादग्रस्त विधानानंतर अब्दुल रझाकने माफी मागितली. “काल केलेल्या माझ्या विधानाबद्दल व्यथित आहे. मी खूपच वाईट शब्द बोललो याची मला जाणीव झालीये. या चुकीसाठी मी सगळ्यांची माफी मागतो. मला माफ करा. मला वेगळं उदाहरण द्यायचं होतं, पण माझी जीभ घसरली आणि मी ऐश्वर्या रायचं नाव घेतलं”, असं म्हणत रझाकने माफी मागितली आहे.