Ind vs Pak : बुमराह-कुलदीपने 12 चेंडूतच मोडलं पाकिस्तानचं कंबरडे! पाहा VIDEO

कुलदीपने 4 चेंडूत घेतले दोन बळी

प्रथम फलंदाजी करणाऱ्या पाकिस्तानला डावाच्या 30व्या षटकात बाबर आझमच्या रूपाने 155 धावांवर तिसरा धक्का बसला. यानंतर डावाच्या 33व्या षटकात कुलदीप यादव गोलंदाजीला आला आणि त्याच्या दुसऱ्या चेंडूवर सौद शकील (6 धावा) एलबीडब्ल्यू झाला. त्याच षटकातील शेवटच्या चेंडूवर कुलदीपने पाकिस्तानचा स्फोटक फलंदाज इफ्तिखार अहमदला (4 धावा) क्लीन बोल्ड केले.

बुमराहनेही घेतल्या दोन विकेट

कुलदीपनंतर डावाच्या 34व्या षटकात जसप्रीत बुमराहने फॉर्मात असलेल्या मोहम्मद रिझवानच्या रूपाने टीम इंडियाला मोठी विकेट मिळवून दिली. बुमराहच्या शेवटच्या इनकमिंग बॉलवर तो क्लीन बोल्ड झाला. रिजवानने 69 चेंडूंत सात चौकारांसह 49 धावा केल्या.

यानंतर डावाच्या 36व्या षटकात बुमराह पुन्हा गोलंदाजीसाठी आला आणि त्याच्या षटकाच्या दुसऱ्या चेंडूवर त्याने मोहम्मद नवाजला पॅव्हेलियनचा रस्ता दाखवला. त्यामुळे पाकिस्तानच्या 36व्या षटकात 171 धावांवर 7 विकेट पडल्या होत्या. अशाप्रकारे बुमराह आणि कुलदीप यांच्या षटकात एकूण 12 चेंडूत 4 विकेट घेत भारताने पाकिस्तानला बॅकफूटवर ढकलले.