Video : रिंकू सिंहची वादळी खेळी, मीडिया बॉक्सची फोडली काच

दुसऱ्या टी20 सामन्यात दक्षिण आफ्रिकेने टॉस जिंकून टीम इंडियाला (Team India) फलंदाजीचे आमंत्रण दिले होते. यावेळी टीम इंडियाकडून यशस्वी जयस्वाल आणि शुभमन गिल मैदानात उतरले होते. मात्र हे दोन्ही खेळाडू एक ही धावा न करता माघारी परतले होते. त्यामुळे 6 धावावर 2 बाद अशी टीम इंडियाची बिकट अवस्था होती. यावेळी सुर्यकुमार यादवने मैदानात उतरुन भारताचा डाव सावरला. तर तिलक वर्मा 29 धावा करून बाद झाला होता.

हे ही वाचा : Article 370: …तर मुंबईही बनू शकतो केंद्रशासित प्रदेश!

तिलक वर्मा बाद झाल्यानंतर रिंकू सिंहची मैदानात एन्ट्री झाली होती. आणि मैदानात उतरताच रिंकू सिंहने तुफानी खेळी करायला सुरूवात केली. रिंकू सिंहने 39 बॉलमध्ये 68 धावांची नाबाद खेळी केली. या खेळीत त्याने 9 चौकार आणि 2 गगनचुंबी षटकार लावले आहेत. या षटकारांपैकी रिंकूने एक षटकार इतक्या जोराचा मारला होता की, थेट मीडिया बॉक्सची काचच फुटली होती. मीडिया बॉक्सच्या काचेला क्रॅक पडल्याचा फोटो आता सोशल मीडियावर व्हायरल होत आहे.

हे ही वाचा : BHC : भुजबळांसह कुटुंबीयांना मिळाला मोठा दिलासा, कारवाईच ठरवली रद्दबातल

रिंकूसोबत सुर्यानेही दमदार खेळी केली. सुर्याने 56 धावा ठोकल्या. या खेळीच्या बळावर टीम इंडियाने 19.3 बॉलमध्ये 7 विकेट गमावून 180 धावा ठोकल्या.भारताने 180 धावा केल्या असल्या तरी डकवर्थ लुईस नियमानुसार दक्षिण आफ्रिकेला हा सामना जिंकण्यासाठी 152 धावांचे टार्गेट देण्यात आले होते. दक्षिण आफ्रिकेने हे आव्हान 5 विकेट आणि 7 बॉल राखून पूर्ण केले आणि या सामन्यात विजय मिळवला. या विजयानंतर दक्षिण आफ्रिकेने मालिकेत 1-0 ने आघाडी घेतली.