Vinesh Phogat Disqualified : पॅरिस ऑलम्पिकमध्ये विनेश अपात्र कशी ठरली?

29 वर्षीय विनेश फोगाट कुस्तीच्या 50 किलो वजनी गटात अपात्र ठरली. तिचे वजन 100 ग्रॅम जास्त भरले. विनेश फोगाटचे वजन जास्त आढळून आले. तिने ते कमी करण्याचा प्रयत्न केला पण अपयशी ठरली. इंडियन ऑलिम्पिक असोसिएशनने याबद्दलची माहिती दिली आहे. 

विनेश फोगाट अपात्र, आयओएने काय सांगितलं?

इंडियन असोसिएशनने म्हटले आहे की, भारताची 50 किलो वजनी कुस्ती गटातील विनेश फोगाट अपात्र ठरल्याचे खेदाने सांगावं लागत आहे. रात्रभर टीमने प्रयत्न केले, पण सर्वोपरी प्रयत्न करूनही आज सकाळी तिचे वजन 50 किलोपेक्षा काही ग्राम अधिक आढळून आले. यावेळी कोणतीही प्रतिक्रिया दिली जाणार नाही. विनेश फोगटच्या सन्मानाचा आदर करावा अशी विनंती आहे."

हेही वाचा >> बॅडमिंटन कोर्टवर रक्त सांडलं, पट्टी बांधून खेळला तरी पदकाचं स्वप्न भंगलं! 

रौप्य पदकही गेले

विनेश फोगाटने अंतिम फेरीत धडक मारल्यानंतर सुवर्ण पदकाच्या आशा पल्लवित झाल्या होत्या. अंतिम सामन्यात पराभूत झाली असती, तरी तिला रौप्य पदक मिळाले असते. पण, वजनामुळे ती अपात्र ठरली. स्पर्धेतूनच अपात्र ठरल्याने विनेशचे रौप्य पदकही गेले आहे.

हेही वाचा >> "गौतम गंभीर जास्त दिवस टिकणार नाही, कारण...", माजी क्रिकेटपटूचं मोठं विधान 

अमेरिकेच्या कुस्तीपटूसोबत होणार होता सामना

विनेश फोगाटचा अंतिम सामन्यात अमेरिकेच्या कुस्तीपटूसोबत मुकाबला होता. क्युबाची कुस्तीपटू युसनेईलिस गुजमेनला पराभूत करून विनेश अंतिम फेरीत पोहोचली होती. तिने 5-0 ने पराभूत केले होते. अंतिम सामन्यात अमेरिकेच्या एन सारा हिल्डेब्रॉण्टसोबत तिचा मुकाबला होणार होता.