पतीला झाडूने झोडलेलं? पत्नीबाबत Bombay High Court चा मोठा निर्णय

न्यायमूर्ती पीडी नाईक आणि न्यायमूर्ती एनआर बोरकर यांच्या खंडपीठासमोर पत्नीच्या याचिकेवर सुनावणी झाली. सुनावणीनंतर खंडपीठाने आरोपपत्रावर विचार केल्यानंतर सांगितले की, एफआयआरमध्ये नमूद केलेल्या गोष्टींवरून पती-पत्नीमधील संबंध ताणले गेले होते. प्रकरणातील तथ्यं कलम 324 अंतर्गत गुन्ह्याच्या घटकांची अनुपस्थिती दर्शवतात. तक्रारदाराने सादर केलेल्या वैद्यकीय अहवालात पतीला गंभीर दुखापत झाल्याचे सूचित केले आहे, परंतु पोलीस अहवालात असे सूचित होत नाही.

पतीने स्वत:ला दुखापत केल्याची शक्यता अहवालात दर्शवली आहे. या खटल्यातील साक्षीदारांचे जबाब तक्रारदाराच्या आरोपांना समर्थन देत नाहीत. आरोपपत्रात पत्नीविरुद्ध (अर्जदार) कोणताही गुन्हा सिद्ध होत नाही.

हे ही वाचा>> अर्ध्या रात्री रिक्षाचालकाने मुलीच्या स्कर्टमध्येच घातला हात, अन्…

दरम्यान, या प्रकरणातील याचिकाकर्त्या पतीचा मृत्यू झाला आहे, त्यामुळे पत्नीविरुद्ध खटल्याशी संबंधित कार्यवाही सुरू ठेवणे हा कायदेशीर प्रक्रियेचा दुरुपयोग आहे म्हणून या प्रकरणातील आरोपपत्र आता रद्द करण्यात आले आहे.

‘स्वतःला इजा पोहचवली असण्याची शक्यता’

पोलिसांनी पत्नीविरुद्ध कलम 324, 427, 504, 506 आणि 34 अन्वये गुन्हा दाखल केला होता. त्यानंतर तपासाअंती पत्नीविरुद्ध कुर्ला दंडाधिकारी न्यायालयात आरोपपत्र दाखल करण्यात आले होते, तर या प्रकरणी पत्नीने उच्च न्यायालयात याचिका दाखल करून ती रद्द करण्याची मागणी केली होती.

हे ही वाचा>> Crime: उधारीमुळे कान गमावला, मित्राने तोडला कानाचा लचका!

याचिकेत महिलेने दावा केला होता की, आता तिच्या पतीचा मृत्यू झाला आहे. आरोपपत्रात समाविष्ट असलेल्या सामग्रीवरून एफआयआरमध्ये नमूद केलेल्या कलमांखाली गुन्हा उघड होत नाही. पोलिसांनी सादर केलेल्या वैद्यकीय अहवालात पतीने स्वत:ला दुखावल्याची शक्यता वर्तवण्यात येत आहे.

याचिकेनुसार पती पत्नीला मारहाण करायचा. एफआयआरमध्ये अनेक पैलूंवर भाष्य करण्यात आलेलं नाही. म्हणूनच हायकोर्टाने आरोपपत्र रद्द करत हे प्रकरण निकालात काढलं आहे.