Mumbai : कर्तव्य बजावून घरी परतताना काळाचा घाला, पोलीस शिपायाचा मांजाने चिरला गळा

पोलिसांनी दिलेल्या माहितीनुसार, दिंडोशी पोलीस स्टेशनमध्ये पोलीस शिपाई समीर जाधव कर्तव्यावर होते. घटनेच्या दिवशी कर्तव्य बजावून समीर जाधव दुचाकीवरून वरळीला त्यांच्या घरी निघाले होते. या दरम्यान दुचाकीने घरी जात असताना वाटेतच त्यांच्या गळ्याभोवती मांजा आला. या मांजाने त्यांचा गळाच चिरला गेला. पश्चिम दृतगती महामार्गावरील वाकोला पूलावर ही घटना घडली होती.

हे ही वाचा : अजितदादांचा थेट पवारांवर हल्ला! ‘काहींनी 38 व्या वर्षी वसंतदादांना बाजूला सारलं अन् मी 60 व्या…’

मांजाने गळा चिरल्यानंतर समीर जाधव महामार्गावर कोसळले होते. त्यानंतर तत्काळ अॅम्ब्युलन्स मागवून सायन रूग्णालयात त्यांना दाखल करण्यात आले होते. मात्र डॉक्टरांनी तपासून त्यांना मृत घोषित केले होते. यानंतर खेरवाडी पोलिसांनी रूग्णालय गाठत जाधव यांच्या कुटुंबियांना याबाबतची माहिती दिली होती. या घटनेने जाधव यांच्या कुटुंबियांवर दु:खाचा डोंगर कोसळला होता.दरम्यान खेरवाडी पोलिसांनी या प्रकरणी गुन्हा दाखल करून अधिक तपास सुरु केला आहे.

हे ही वाचा : Uddhav Thackeray : “…तर अजित पवार कोणत्याच चिन्हावर निवडणूक लढवू शकणार नाहीत”

मुंबईत गँगवार! अंदाधुंद गोळीबारात एक ठार तीन जखमी

मुंबईतील चुनाभट्टी येथील आझाद गल्लीमध्ये दिवसाढवळ्या 16 वेळा गोळीबार झाल्याच्या घटनेमुळे मुंबई पुन्हा एकदा हादरली आहे. या गोळीबारामध्ये एक जण ठार झाला असून तिघं जण गंभीर जखमी झाल्याचे पोलिसांनी सांगितले. या गोळीबारच्या घटनेमुळे मुंबईतील गँगवॉरने (Gangwar) पुन्हा एकदा डोकं वर काढलं आहे का असा सवालही आता उपस्थित होऊ लागला आहे. दुचाकीवरून आलेल्या दोघांकडून 16 वेळा गोळीबार (Firing) करण्यात आला असून त्यामध्ये सुमित येरुणकरचा मृत्यू झाल्याचे स्पष्ट झाले आहे.