GB Syndrome: महाराष्ट्राची चिंता वाढली, GBS मुळे 5 जणांचा मृत्यू, पुण्यात सर्वाधिक रुग्ण
महाराष्ट्रात गुलियन-बॅरे सिंड्रोममुळे आतापर्यंत 5 जणांचा मृत्यू झाला आहे. तर राज्यात एकूण 149 रुग्ण असून पुण्यात सर्वाधिक रुग्ण आढळून आले आहेत.
ADVERTISEMENT
पुणे: महाराष्ट्रात गुलियन-बॅरे सिंड्रोम (GB Syndrome) मुळे झालेल्या संशयित मृत्यूंची संख्या आतापर्यंत (1 फेब्रुवारी) पाच झाली आहे. आतापर्यंत राज्यात या दुर्मिळ आजाराचे एकूण 149 संशयित रुग्ण आढळले आहेत, त्यापैकी 124 रुग्णांची पुष्टी झाली आहे.
पुण्यात 60 वर्षीय वृद्धाचा मृत्यू
वृत्तसंस्थेच्या वृत्तानुसार, शनिवारी पुण्यातील वारजे भागात एका 60 वर्षीय व्यक्तीचा जीबीएसमुळे मृत्यू झाला. आरोग्य अधिकाऱ्यांच्या मते, रुग्णाचा मृत्यू श्वसनक्रिया बंद (Respiratory Failure) पडल्याने झाला. यापूर्वी राज्यात आणखी 4 संशयास्पद मृत्यूची नोंद झाली होती.
हे ही वाचा>> Prayagraj Stampede: कुंभमेळ्यात दुसरीकडेही झालेली चेंगराचेंगरी, सत्य कोणी लपवलं?
आरोग्य विभागाच्या माहितीनुसार, राज्यात आतापर्यंत एकूण 149 संशयित रुग्ण आढळले आहेत. यापैकी 124 रुग्णांना जीबीएसची लागण झाल्याची पुष्टी झाली आहे. पुण्यात या आजाराची लागण झालेले 29 रुग्ण आहेत तर 17 रुग्ण पिंपरी-चिंचवडमधील, 13 रुग्ण पुणे ग्रामीण भागातील, 8 रुग्ण इतर जिल्ह्यांतील आहेत.
पाण्याच्या नमुन्यांची तपासणी उघडकीस आली
पुणे आणि आसपासच्या भागात जीबीएसचे बहुतेक रुग्ण आढळले आहेत. हे लक्षात घेऊन, पाण्याचे रासायनिक आणि जैविक विश्लेषण करण्यासाठी 160 नमुने सार्वजनिक आरोग्य प्रयोगशाळेत (Public Health Laboratory) पाठवण्यात आले. शुक्रवारी प्रसिद्ध झालेल्या अहवालानुसार, यापैकी 8 जलस्रोतांचे नमुने दूषित आढळले आहेत.
हे ही वाचा>> बुलढाणा: महिलेच्या गर्भातील बाळाच्या पोटात दुसरं बाळ... हे घडलं तरी कसं?
पुण्यातील सिंहगड रोड परिसरातील काही खाजगी बोअरवेलमधून घेतलेल्या पाण्याच्या नमुन्यांमध्ये ई. कोलाय (E. Coli) बॅक्टेरियाची पुष्टी झाल्याचे आरोग्य विभागाच्या अधिकाऱ्याने सांगितले. पाण्यात ई. कोलाईची उपस्थिती सामान्यतः विष्ठा किंवा प्राण्यांच्या कचऱ्यापासून होणारे दूषितपणा दर्शवते आणि जीबीएस संसर्गाचा धोका वाढवते.
जीबीएस म्हणजे काय?
गुलियन-बॅरे सिंड्रोम (GBS) हा एक दुर्मिळ न्यूरोलॉजिकल आजार आहे ज्यामध्ये रुग्णाला अचानक सुन्नपणा आणि स्नायू कमकुवतपणा जाणवू लागतो. त्याच्या मुख्य लक्षणांमध्ये हात आणि पायांमध्ये तीव्र अशक्तपणा आणि सुन्नपणा समाविष्ट आहे. जीबीएस संसर्गाचे मुख्य कारण कॅम्पिलोबॅक्टर जेजुनी (Campylobacter Jejuni) नावाचा जीवाणू असल्याचे मानले जाते, जो दूषित अन्न आणि पाण्यात आढळतो.
आरोग्य विभागाने विशेषतः या भागातील लोकांना पाणी उकळून आणि गाळून पिण्याचा सल्ला दिला आहे. संक्रमित भागात पाण्याच्या स्रोतांचे निरीक्षण वाढवण्यात आले आहे आणि संशयास्पद लक्षणे असलेल्या लोकांना ताबडतोब डॉक्टरांचा सल्ला घेण्याच्या सूचना देण्यात आल्या आहेत.
हे वाचलं का?
