Ganesh Visarjan 2024: बाप्पाचं विसर्जन घरीच करताय? मग थोडं थांबा...

भाद्रपद महिन्यातील गणेश चुतर्थीला घरोघरी गणपतीचे पूजन केले जाते. 10 दिवस बाप्पाचे थाटात मानपान करण्यात येते. यंदा गणेश चतुर्थी 7 सप्टेंबर 2024 रोजी आहे. तर अनंत चतुर्दशी 17 सप्टेंबर रोजी आहे. 

हेही वाचा : बिग बॉसचा आदेश अन् आर्या घराबाहेर! पण, चाहत्यांचा मिळतोय फुल्ल सपोर्ट; करणार का पुन्हा एन्ट्री?

गणेश विसर्जनाची योग्य पद्धत नेमकी काय?

• श्रीगणेशाची विधिवत पूजा केल्यानंतर हवन करा आणि नंतर गणेशाचे स्वस्तिवाचन करा.
• आता पाट घ्या आणि त्यावर स्वस्तिक बनवा. नंतर तो तसाच ठेवावा, पिवळ्या किंवा गुलाबी रंगाचे कापड त्यावर पसरून चारही कोपऱ्यात पूजेसाठी सुपारी ठेवावी.
• आता मूर्ती जिथे ठेवली होती तिथून उचला आणि आनंदाच्या जयघोषात यावर बसवा.
• आत गणपती बाप्पासमोर फळे, फुले, सुपारी आणि मोदक ठेवा.
• यानंतर हात जोडून गणपती बाप्पाची प्रार्थना करा. 
• पूजेच्या 10 दिवसात काही चूक झाली असेल तर माफी मागा.
• आता सर्वांनी गणपती बाप्पाचं नाव घेत बाप्पाला डोक्यावर किंवा खांद्यावर पाटासह विसर्जनस्थळी घेऊन जल्लोषात घरातून निरोप घ्यावा.
• विसर्जनाच्या ठिकाणी लक्षात ठेवा की बाप्पाची मूर्ती फेकून देऊ नये, तर पूर्ण आदराने विसर्जन करावे. 
• यानंतर हात जोडून माफी मागून पुढच्या वर्षी येण्याची विनंती करा. 
• विसर्जनाच्या वेळी कापूर लावून बाप्पाची आरती करावी.

घरीच गणेशमूर्तीचे विसर्जन कसे करावे?

• जर तुम्ही घरातच विसर्जन करत असाल तर वर दिलेल्या संपूर्ण प्रक्रियेचे अनुसरण करा.
• निर्माल्य एकाच ठिकाणी गोळा करून योग्य ठिकाणी विसर्जित करावे.
• घरात विसर्जन केल्यानंतर दुसऱ्या दिवशी घरातील कुंडीत किंवा बागेत पाणी आणि माती विसर्जित करावी.

हेही वाचा : Gold Price: सोन्याचा विषयच हार्ड! किंमत बघूनच म्हणाल बाईईई हा काय प्रकार? जाणून घ्या आजचा भाव...

श्री गणेश विसर्जन मंत्र 1

यान्तु देवगणा: सर्वे पूजामादाय मामकीम्।
इष्टकामसमृद्धयर्थं पुनर्अपि पुनरागमनाय च॥

श्री गणेश विसर्जन मंत्र 2

गच्छ गच्छ सुरश्रेष्ठ स्वस्थाने परमेश्वर।
मम पूजा गृहीत्मेवां पुनरागमनाय च॥