Maharashtra Weather : कोकण आणि उत्तर मध्य महाराष्ट्रात उष्ण व दमट हवामान! कोणत्या भागात पावसाच्या सरी कोसळणार?

तर नाशिक, नाशिक घाट परिसर, अहिल्यानगर, पुणे, पुणे घाट परिसर, सोलापूर, परभणी, हिंगोली, नांदेड, लातूर, धाराशिवमध्ये कोरडं हवामान, तर कोल्हापूर, कोल्हापूर घाट परिसर, सातारा, सातारा घाट परिसर, सांगलीमध्ये हलक्या पावसाचा अंदाज हवामान विभागाने सांगितला होता. दरम्यान, आज 9 एप्रिलला राज्यात हवामानाची स्थिती कशी असणार आहे, याबाबत जाणून घेऊयात सविस्तर माहिती. 

हे ही वाचा >> केदार जाधव आहे तरी कोण... नेमका इतिहास काय, भाजपमध्येच का केला प्रवेश?

भारतीय हवामान विभागाने दिलेल्या माहितीनुसार, कोकण आणि उत्तर मध्य महाराष्ट्रातील जिल्ह्यांमध्ये तुरळक ठिकाणी उष्ण आणि दमट परिस्थिती राहण्याची शक्यता आहे. दक्षिण मध्य महाराष्ट्रातील जिल्ह्यांमध्ये तुरळक ठिकाणी विजांच्या कडकडाटासह वादळे आणि हलक्या ते मध्यम स्वरूपाच्या पावसासह ताशी ३०-४० किमी वेगाने वारे वाहण्याची शक्यता आहे.

हे ही वाचा >> भाजप पदाधिकाऱ्यांचा प्रताप! 'लव्ह जिहाद'चा आरोप करत पोलीस स्टेशनमध्येच तरूणांना मारलं, घटना काय?

मराठवाड्यातील जिल्ह्यांमध्ये तुरळक ठिकाणी उष्ण रात्र असण्याची शक्यता आहे.विदर्भातील जिल्ह्यांमध्ये तुरळक ठिकाणी उष्णतेची लाट येण्याची शक्यता आहे. पुढील २४ तासांसाठी मुंबई शहर आणि उपनगरांसाठी स्थानिक अंदाज.शहर आणि उपनगरांमध्ये आकाश प्रामुख्याने निरभ्र राहील. उपनगरांमध्ये उष्ण आणि दमट हवामान राहण्याची शक्यता आहे. कमाल आणि किमान तापमान अनुक्रमे ३६°C आणि २४°C च्या आसपास असेल.