कामाची बातमी: मुलांचं आधारकार्ड अपडेट करताना लक्षात ठेवा 'हे' नियम, नाहीतर खूप होईल त्रास!

ही समस्या फक्त रवी आणि सीमाचीच नव्हे तर अशा अनेक पालकांची सुद्धा आहे, ज्यांना आपल्या मुलांच्या आधार कार्डमध्ये बायोमॅट्रीक अपडेट कधी आणि कसं करायचं?, याबाबतीत माहित नाही. लहान मुलांचं आधार कार्ड अपडेट करण्यासाठी कोणत्या बाबी आवश्यक असतात? याविषयी सविस्तर जाणून घेऊया. 

बायोमॅट्रीक अपडेट अनिवार्य आहे का?

5 वर्ष किंवा त्यापेक्षा कमी वय असलेल्या मुलांचं आधार कार्ड बनवताना फिंगरप्रिंट आणि आयरिस स्कॅन केलं जात नाही. फक्त फोटो आणि जन्म दाखल्याच्या साहाय्याने आधार कार्ड बनवलं जातं. मात्र, मुलांचं 5 वर्ष आणि 15 वर्ष वय पूर्ण झाल्यानंतर बायोमॅट्रीक अपडेट करणं अनिवार्य असतं. या प्रक्रियेला  Mandatory Biometric Update (MBU) असं म्हणतात. बायोमॅट्रीक अपडेट करण्याची ही प्रक्रिया विनामूल्य आहे. यासाठी कोणतेच शुल्क आकारले जात नाही. ही प्रक्रिया करण्यासाठी पालकांना मुलांना घेऊन आधार सेंटरला जावं लागतं.

हे ही वाचा: 2000 रुपयांपेक्षा UPI पेमेंटवर GST लागणार? खरं की अफवा.. मोदी सरकारने दिलं नेमकं उत्तर

आधार कार्ड अपडेट न केल्यास काय होतं?

जर 5 वर्षे किंवा 15 वर्षे वयानंतर मुलांच्या आधार कार्डमध्ये बायोमॅट्रीक अपडेट केलेलं नसेल तर भविष्यात त्यांचं आधार कार्ड निष्क्रिय होतं. बँकेत खातं, शाळेत प्रवेश, सरकारी योजनांचा लाभ किंवा पासपोर्टसारख्या आवश्यक सुविधांचा लाभ घेण्यासाठी समस्या येऊ शकतात.

हे ही वाचा: Personal Finance: कमी Balance असला तरी टेन्शन घेऊ नका, खात्यातून बँक पैसे कापणार नाही.. फक्त 'हे' काम करा!

मुलांचं आधार कार्ड अपडेट कसं करावं?

• जवळच्या आधार केंद्रात जा: UIDAI च्या वेबसाइटवरुन किंवा mAadhaar अॅपवरुन आसपासच्या आधार सेंटरची माहिती घ्या.
• आवश्यक कागदपत्रे सोबत ठेवा: मुलाचं आधार कार्ड, जन्मदाखला आणि पालकांमधील कोणा एकाचं आधार कार्ड सोबत ठेवा. 
• बायोमॅट्रिक अपडेट करुन घ्या: आधार सेंटरमध्ये मुलांच्या बोटांचे ठसे, डोळ्याचं स्कॅन आणि त्यांचा नवीन फोटो घेतला जाईल.
• विनामुल्य प्रक्रिया: मुलांचं बायोमॅट्रिक अपडेट करण्यासाठी कोणतेच शुल्क आकारले जात नाही.

वेळेवर अपडेट करा आणि समस्यांना आळा घाला

रवी आणि सीमा यांना ही माहिती मिळाल्यावर त्यांनी लगेच अर्जुनचे आधार बायोमेट्रिक अपडेट केले. यानंतर अर्जुनला कोणत्याच अडचणीशिवाय शाळेत प्रवेश मिळाला. जर तुमचं मुल देखील 5 किंवा 15 वर्षांचे असेल तर वेळ न घालवता मुलांच्या आधार कार्डमधील हे अपडेट नक्की करुन घ्या, जेणेकरुन भविष्यात या प्रकारच्या कोणत्याच समस्या उद्भवणार नाहीत.