Maratha Reservation : संजय राऊत संतापले, मुख्यमंत्री एकनाथ शिंदेंवर गंभीर आरोप

सरकारने दखल घ्यावी

जालना जिल्ह्यातील अंतरवाली सराटीमध्ये 29 ऑगस्टपासून मनोज जरांगे-पाटील यांनी मराठा आरक्षणासाठी आंदोलन पुकारले आहे. जरांगे-पाटील यांच्या आंदोलनामुळे सरकारने निजामशाही कालीन ज्यांच्याकडे कागदपत्रे असतील त्यांना आरक्षण देण्याचा अध्यादेश काढण्यात आला होता. मात्र त्यानंतर जरांगे पाटील यांनी त्या अध्यादेशामध्ये काही त्रुटी असल्याचे सांगत त्यामध्ये सुधारणा करण्याी मागणी केली. त्यामुळेच खासदार संजय राऊत यांनी या तरुणाने आरक्षणासाठी जीव पणाला लावले आहेत. त्यामुळे त्यांच्या आंदोलनाची सरकारने दखल घ्यावी असंही खासदार संजय राऊत यांनी सांगितले.

हे ही वाचा  >> pusesawali satara : पुसेसावळीत हिंसेंची धग कायम! पोलिसांनी कुणाला ठोकल्या बेड्या?

विषय स्वाभिमानाचा

मराठा समाजासाठी आणि मनोज जरांगे पाटील यांच्यासाठी स्वाभिमानाचा विषय आहे. त्यामुळे सरकारने त्यांच्या आंदोलनाची योग्य दखल घेऊन निर्णय घ्यावा असं मत संजय राऊत यांनी व्यक्त केले. त्यांच्या स्वाभिमानाचा हा विषय असल्यामुळेच मराठा आरक्षणासाठी त्यांनी आपला जीवपणाला लावला आहे.

मराठवाड्यात कॅबिनेटची बैठक

मुख्यमंत्री एकनाथ शिंदे यांनी कॅबिनेटच्या बैठकीचे मराठवाड्यात आयोजन केले आहे. त्याआधीच जरांगे पाटलाचे आंदोलन गुंडाळायचे असल्याची टीका खासदार संजय राऊत यांनी केली आहे. कॅबिनेट बैठकीला कोणत्याही प्रकारचा डाग नको, मंत्री आणि आमदारांच्या गाड्यावर लोकांकडून हल्ले केले जाऊ नयेत यासाठीच एकनाथ शिंदे यांना जरांगे-पाटलांचे आंदोलन गुंडाळायचे असल्याची टीका संजय राऊत यांनी केली आहे.

जरांगे पाटील लोकनेता

खासदार संजय राऊत यांनी मनोज जरांगे पाटील यांच्या आंदोलनाविषयी बोलताना सांगितले की, जरांगे पाटील यांनी मराठा आरक्षणासाठी आपले प्राणपणाला लावले आहेत. त्यामुळे हा काही राजकीय नेता नाही तर ते आता लोकनेता झाले आहेत. लोकांना आता त्यांची ताकद समजली आहे त्यामुळेच सरकार आता कोणतेही अश्वासन देऊन त्यांचे आंदोलन गुंडाळायचे आहे असंही त्यांनी यावेळी सांगितले.

हे ही वाचा  >> Maratha Reservation : ‘त्या’ मराठा आंदोलकांना शिंदे सरकारचा दिलासा, बैठकीत कोणता निर्णय झाला?

आदेशाचा कागद हातात हवा

मुख्यमंत्री एकनाथ शिंदे यांनी जरांगे पाटलांच्या आंदोलनानंतर एक अध्यादेश काढला. मात्र त्यामध्ये काही त्रुटी असल्याचे सांगत त्यांनी त्यामध्ये काही बदल सुचवले. त्यानंतर त्यांनी मला तोंडी अश्वासन नको मला अध्यादेशाच्या स्वरुपात त द्या अशी मागणी त्यांनी करत असा अध्यादेश काढल्याशिवाय आपण आंदोलन मागे घेणार नाही असंही त्यांनी यावेळी स्पष्टपणे सांगितले. त्यामुळे जरांगे पाटलांना अध्यादेश मिळाल्याशिवाय आणि आदेशाचा कागद हातात मिळाल्याशिवाय ते आंदोलन मागे घेणार नाहीत असंही संजय राऊत यांनी यावेळी सांगितले.