Mira Road Murder: ‘HIV पॉझिटिव्ह, शारीरिक संबंध…’ मनोज साने प्रचंड चाणाक्ष आरोपी!

गुन्हेगारी पार्श्वभूमी नाही पण मनोज साने चाणाक्ष आरोपी…

पोलीस अधिकाऱ्यांनी सांगितले की, आरोपीची कोणतीही गुन्हेगारी पार्श्वभूमी नाही पण तो अतिशय हुशार आणि पोलीस अधिकाऱ्यांची दिशाभूल करणारा आहे. तो सतत आपली विधाने बदलत राहतो आणि स्वत:च्याच विधानांचे खंडन करतोय. आधी आरोपी मनोजने सरस्वती बेपत्ता असल्याचे सांगितले होते. नंतर त्याने सांगितलं की, सरस्वती हिने आत्महत्या केली आणि त्यामुळे आपण घाबरलो.

मनोज साने खरंच HIV पॉझिटिव्ह?

आता यामध्येच आरोपी मनोज सानेने तो एचआयव्ही पॉझिटिव्ह असल्याचा मुद्दा देखील पुढे करून एक नवा डाव टाकण्याचा प्रयत्न केला आहे. यावेळी त्याने असंही म्हटलं की, त्याने तिच्याशी कधीच शारीरिक संबंध ठेवले नाहीत. पोलीस अधिकाऱ्यांनी या सगळ्याबाबत मुंबई Tak शी बोलताना सांगितलं की, मनोज साने जे दावे करत आहे त्यावर अजिबात विश्वास ठेवता येणार नाही.

हे ही वाचा >> Mira Road Murder : रेशन दुकानात भेट अन् क्रूर शेवट! झोप उडवणाऱ्या हत्येची Inside Story

मनोजला हे चांगलेच ठाऊक आहे की त्याने संपूर्ण पुरावे नष्ट केले आहेत आणि केसमध्ये काहीही सिद्ध करणे खूप कठीण आहे. शवविच्छेदन (post mortem) हे अत्यंत निर्णायक आहे. परंतु शवविच्छेदनातून पुन्हा काहीतरी मिळवणे खूप कठीण काम आहे. त्यामुळे याप्रकरणात जेजे रुग्णालयातील सर्वोत्तम डॉक्टरांवर बऱ्याच गोष्टी अवलंबून आहेत.

एका पोलीस अधिकाऱ्याने सांगितले की, “त्याच्या दाव्यात कोणतीही योग्यता नाही. तो वेगवेगळ्या थेअरी रचून सांगत आहे. जेणेकरुन तपासाची दिशाभूल व्हावी असा त्याचा प्रयत्न आहे. दुसरा मुद्दा म्हणजे तो HIV पॉझिटिव्ह असण्याचा.

जरी तो एचआयव्ही पॉझिटिव्ह असला तरी त्याचा केस किंवा तपासावर परिणाम होणार नाही. कारण त्याचा आम्हाला काहीही फरक पडत नाही. त्याने गुन्हा केला आहे ज्याचा त्याच्याशी संबंध नाही. परंतु भविष्यात आम्ही त्याची एचआयव्ही चाचणी करू. त्या चाचणीचा निकाल पॉझिटिव्ह येवो अथवा निगेटिव्ह त्याचा काहीही परिणाम या केसवर होणार नाही.

हे ही वाचा >> “तुझ्यासारख्या गिधाडाला…”; जितेंद्र आव्हाड-चित्रा वाघ यांच्यात ‘राजकीय दंगल’

त्यामुळे आता या संपूर्ण प्रकरणाबाबत पोलीस कशा पद्धतीने तपास करतात आणि सरस्वती वैद्यची हत्या ही नेमकी कशा पद्धतीने करण्यात आली हे शोधून काढण्याचं मोठं आव्हान पोलिसांसमोर आहे.

सरस्वतीच्या मृतदेहाचे तुकडे, कुकर अन्…

• बुधवार (7 जून) सायंकाळी पोलिसांचे पथक अचानक मीरा रोडवरील गीता आकाश दीप सोसायटीत पोहोचले आणि थेट सातव्या मजल्यावरील एका फ्लॅटजवळ गेले जिथून प्रचंड दुर्गंधी येत होती. जेव्हा पोलीस या फ्लॅटजवळ पोहचले तेव्हा त्यांना देखील प्रचंड धक्का बसला, कारण दिल्लीतील श्रद्धा खून प्रकरणाबाबत त्यांनी मीडियामध्ये जे काही वाचले आणि ऐकले तेच त्यांना मीरारोडमध्ये पाहायला मिळालं होतं.
• यावेळी पोलिसांना फ्लॅटमधून महिलेच्या मृतदेहाचे तुकडे सापडले. सरस्वती वैद्य (वय 36 वर्ष) (Saraswati Vaidya) असे या महिलेचे नाव आहे. यावेळी पोलिसांना घरातच झाडे तोडण्यासाठी वापरलेला कटरही पोलिसांना यावेळी सापडला. त्यानंतर पोलिसांनी तात्काळ 56 वर्षीय आरोपी मनोज साने याला अटक केली. पोलिसांनी आरोपीची कसून चौकशी केली असता यातून काही धक्कादायक गोष्टी समोर आल्या आहेत.
• चौकशीवेळी मनोजने पोलिसांना असं सांगितलं की, त्याची लिव्ह इन पार्टनर सरस्वती हिने काही कारणाने आत्महत्या केली होती. जेव्हा तो घरी परतला तेव्हा सरस्वतीचा मृतदेह पाहून तो प्रचंड घाबरला. यावेळी त्याने श्रध्दा वाळकर खून प्रकरणाबाबत बरेच काही ऐकले होते. तीच गोष्ट लक्षात घेऊन त्याने मृतदेहाचे तुकडे करून त्याची विल्हेवाट लावण्याचा विचार केला.
• मिळालेल्या माहितीनुसार, आरोपीने पोलिसांना सांगितले की, त्याने मृतदेह कापण्यासाठी बाजारातून झाड कापण्याचं कटर आणलं होतं. तो तीन दिवस घरात आपल्या सरस्वतीच्या मृतदेहाचे तुकडे करत होता. आरोपींनी मृतदेहाचे अनेक तुकडे केले होते. मृत शरीरातून दुर्गंधी येऊ नये म्हणून त्याचे तुकडे मिक्सरमध्ये बारीक करून कुकरमधून उकळून घेतले होते. यावेळी त्याने हाडे, मांस आणि रक्त वेगळे केलं होतं. यावेळी मनोजन मृतदेहाचे काही तुकडे उकळून कुत्र्यांनाही खाऊ घातल्याचे सांगितले जात आहे.
• पोलिसांनी दिलेल्या माहितीनुसार, किचनजवळ हिरव्या आणि काळ्या रंगाच्या बादल्या ठेवण्यात आल्या होत्या. ज्यामध्ये रक्त भरलेलं होतं. तसेच मृतदेहाचे छोटे तुकडे करून त्या बादल्यामध्ये ठेवण्यात आले होते. तसंच एका खोलीत मृत महिलेचे केसही आढळून आले. तसेच खोलीत अनेक काळ्या पिशव्या देखील आढळून आल्या. पोलिसांनी मृतदेहाचे तुकडे गोळा करून आता ते पोस्टमॉर्टमसाठी पाठवले आहेत. पुढील तपासासाठी फ्लॅट क्रमांक 704 सील करण्यात आला आहे.