Anjali Murder Case : मंदिर, आई आणि मर्डर… अल्पवयीन मुलीनेच रचला भयंकर कट

मुलीच्या शोधात बायको बेपत्ता…

आग्र्यात बुटांचा बिझनेस करणारे उद्योगपती उदित बजाज यांची 15 वर्षाची अल्पवयीन मुलगी घराबाहेर पडली होती, मात्र खुप वेळ उलटून सु्द्धा ती घरी परतली नव्हती. आपली मुलगी घरात खूप वेळापासून परतली नसल्याने चिंतेतून आईने वडिलांना याची माहिती दिली होती. या दरम्यान मुलीने आईला व्हॉट्सअॅपवर मी बनखंडी मंदिर परिसरात असून तिला घ्यायला येण्यास सांगितले. यानंतर आई घराबाहेर पडली आणि तिने मुलीच्या वडिलांनाही सोबत घेतले. आई-वडील मंदिर परीसरात पोहोचत असतानाच मुलीने वडिलाना फोन करून ती बनखंडी मंदिरातून निघाली असून गुरू ताल ठिकाणी पोहोचल्याची माहिती दिली. यानंतर बजाज यांनी अंजली यांना मंदिर परीसरात सोडून ते गुरु ताल सिकंदरा चौराह ठिकाणी निघाले. जसे वडिल सिकंदरा चौराह पोहोचले मुलीने त्यांना पुन्हा फोन करून मी शास्त्रीपुरममध्ये आपल्या घरी पोहोचल्याची माहिती दिली.

हे ही वाचा : Mira Road: ‘मी नपुंसक आहे, आणि…’, सरस्वती वैद्यची हत्या करणारा मनोज साने असं का म्हणाला?

अंजली मंदिर परीसरातून बेपत्ता

मुलीने घरी पोहोचल्याची माहिती दिल्यानंतर बजाज मंदिर परीसरात बायको अंजलीला घ्यायला निघाले. मात्र मंदिर परीसरात अंजली कुठेच सापडल्या नाहित. त्यांचा फोन देखील बंद येत होतात. नातेवाईकांना देखील फोन लावले, मात्र अंजलीचा काहीच थांगपता लागला नाही. शेवटी संध्याकाळपर्यंत तिची वाट पाहण्याचा निर्णय घेत ते घरी परतले. मात्र अंजली काय घरी परतल्या नाही. शेवटी बुधवारी उशिरा रात्री सिंकदरा पोलिस ठाण्यात अंजली बेपत्ता झाल्याची तक्रार दिली. या तक्रारीनंतर आग्रा पोलिसांनी अंजलीचा शोध सुरू केला. पोलिसांनी घऱ शास्त्रीपुरम पासून बनखंडी मंदिर या 9 किलोमीटर परीसरात अंजलीचा शोध सुरु केला. मात्र अंजलीचा काही पत्ता लागला नाही. शेवटी गुरुवारी संध्य़ाकाळी मंदिराच्या नजीक जंगलात अंजलीचा मृतदेह सापडला होता.

अंजलीची हत्या

अंजलीचा मृतदेह मंदिर परिसरात असलेल्या जंगलात सापडला. तिच्यावर चाकुने ह्ल्ला करून तिची हत्या करण्यात आली होती. ज्या प्रकारे तिची हत्या करण्यात आली होती, त्यानुसार हे हत्याकांड होते हे पोलिसांना कळुन चुकले होते. अंजलीच्या हत्येनंतर पोलिसांना हत्येचा तपास सुरु केला. व्यावसायिक दुश्मनीतून अंजलीची हत्या करण्यात आल्याचा सुरुवातीला पोलिसांना संशय होता.त्यानुसार तपास सुरु केला. या दरम्यान पोलिसांनी सीडीआर आणि काही सीसीटीव्ही मागवले, यामध्ये पोलिसांना पुरावा सापडला.

एक नंबर आणि 47 कॉल

बुधवारी 7 जुनला मुलीने आईला घरातून बोलावण्यासाठी एक फोन केला होता. यासोबतच मुलीने दुसऱ्या एका नंबरवर 47 कॉल केले होते. पोलिसांना संशय बळावताच त्यांनी तिचा फोन ताब्यात घेऊन तपास करायला सुरुवात केली. मात्र फोन हातात घेण्याआधीच मुलीने कॉल डिटेल्स आणि चॅट्स डिलीट केली होती.पोलिसांचा मुलीवर संशय आणखीणच बळावला. तसेच फोनमध्ये मुलीसोबत एका मुलाचा फोटो देखील आढळला होता. याबाबत विचारले असता मुलीने सांगितले, हा मुलगा प्रखर गुप्ता आहे, जो आग्राच्या दयालबाग परीसरात राहतो. तसेच हा मुलगा बॉयफ्रेंड असल्याचे विचारले असता तिने नकार दिला होता. पोलिसांना प्रखऱवरही संशळ बळावल्यानंतर त्याचाही तपास सुरु केला.

हे ही वाचा : Bengaluru : ‘तुझ्या मरणानंतरच माझी सुटका होईल…’, आईला तडफडून संपवणाऱ्या मुलीची खळबळजनक कबुली

मुलीनेच केली आईची हत्या

अंजलीची ज्या ठिकाणी हत्या झाली त्या ठिकाणी त्याच दिवशी एक अज्ञात मोबाईल नंबर असलेला एक व्यक्ती उपस्थित होता. या नंबरचा तपास केला असता हा नंबर गंजडुंडवाराचा राहणारा शीलू नावाच्या एका मुलाचा असल्याचे समोर आले होते. हा शीलु प्रखरचा मित्र होता. पोलिसांनी नंतर दोघांना ताब्यात घेऊन चौकशी केली असता त्यांनी घटनेबाबत धक्कादायक खुलासा केला. दोन्ही आरोपींनी त्यांनीच अंजलीची हत्या केल्याची कबूली दिली.तसेच त्यांच्यासोबत या हत्याकांडात 15 वर्षाची अंजली यांचीच अल्पवयीन मुलगी सामील असल्याची धक्कादायक माहिती दिली.

‘या’ कारणामुळे आईला संपवलं

अंजलीच्या आई-वडिलांना तिच्या प्रेमप्रकरणाबद्दल माहिती मिळाली होती. त्यामुळे त्यांनी या प्रेमप्रकरणाला विरोध दर्शवला होता. तसेच प्रखरबाबत पोलिसांत तक्रार करण्याची धमकी दिली होती.या धमकीनंतर मुलीने याबाबतची माहिती प्रखऱला दिली होती. त्यानंतर प्रखऱ आणि मुलीने आईच्या हत्येचा कट रचला होता. या घटनेचा उलगडा होता, संपूर्ण शहर हादरलं आहे.