Badlapur News: बदलापूरकरांनी रेल्वे रोखली नंतर 'ती' शाळाच फोडली, नेमकं प्रकरण काय?
Badlapur Thane School case : बदलापूरमधील या लैंगिक अत्याचाराच्या घटनेनंतर नागरीक चांगेलच संतप्त झाले आहेत. संतप्त नागरीक मोठ्या संख्येने शाळेत दाखल झाले आहेत.शाळेच्या आरावात उभे राहून ते शाळेचा निषेध करत आहेत. तर काही आंदोलक हे वर्गात देखील शिरले आहेत.
ADVERTISEMENT
बातम्या हायलाइट
दोन चिमुरडींवरील अत्याचाराने बदलापूरकर संतापले
संतप्त नागरीक मोठ्या संख्येने शाळेत दाखल झाले
शाळेतील साहित्यांची केली तोडफोड
Badlapur Thane School case Update: बदलापूरमध्ये एका चार वर्षांच्या आणि सहा वर्षांच्या दोन चिमुरडींवर लैंगिक अत्याचार झाल्याची संतापजनक घटना घडली आहे. या घटनेनंतर बदलापूरकर (Badlapur crime) चांगलेच संतापले आहेत. रस्त्यावर उतरून आपला रोष व्यक्त करत आहेत. रेल्वे स्थानकात (Badlapur Railway Station) देखील या आदोलकांनी रेलरोको केला होता. यानंतर आता त्या शाळेची तोडफोड (School Vandlised) करण्यात आली आहे. या संदर्भातला व्हिडिओ देखील समोर आला आहे. (badlapur crime news 2 nursery kide sexually assaulted school parents block rail blockade and vandalism of school materials)
बदलापूरमधील या लैंगिक अत्याचाराच्या घटनेनंतर नागरीक चांगेलच संतप्त झाले आहेत. संतप्त नागरीक मोठ्या संख्येने शाळेत दाखल झाले आहेत.शाळेच्या आरावात उभे राहून ते शाळेचा निषेध करत आहेत. तर काही आंदोलक हे वर्गात देखील शिरले आहेत. वर्गातील वस्तुंची आणि खिडक्यांची तोडफोड करत आहे. या घटनेवरून नागरीकांचा उद्रेक दिसून येत आहे.
नेमकं प्रकरण काय?
बदलापुरमधील एका नामांकीत शाळेत दोन चिमुकलींसोबत लैंगिक अत्याचाराची घटना घडली आहे. शाळेच्या लेडीज टॉयलेटमध्ये एका स्वच्छता कर्मचाऱ्याने हे कृत्य केलं. 12-13 ऑगस्ट रोजीची सकाळच्या वेळचे वर्ग सुरु असतानाची ही घटना आहे. शाळेतून घरी परतल्यानंतर एका मुलीने तिच्या प्रायवेट पार्टमध्ये दुखत असल्याची तक्रार केली. कुटुंबियांनी प्रश्न विचारल्यानंतर त्या मुलीने शाळेच्या टॉयलेटमध्ये घडलेला प्रकार सांगितला.
हे वाचलं का?
ADVERTISEMENT
हे ही वाचा : Crime: बदलापूर हादरलं! चिमुरड्या मुलींवर शाळेत लैंगिक अत्याचार; संतप्त पालकांनी काढला मोर्चा
यावेळी मुलीच्या पालकांनी तिच्याच वर्गात असलेल्या दुसऱ्या मुलीच्या पालकांशी संपर्क साधला. त्यांची मुलगी सुद्धा शाळेत जायला घाबरत असल्याच समजलं. स्थानिक डॉक्टरने दोन्ही मुलींची तपासणी केल्यानंतर त्यांच्यावर लैंगिक अत्याचार झाल्याच समजलं.
या घटनेनंतर संतप्त पालकांनी तक्रार नोंदवण्यासाठी बदलापूर पूर्वेला पोलीस स्टेशनमध्ये धाव घेतली. मात्र पॉस्कोची केस असूनही पोलिसांनी तक्रार नोंदवायला उशिर लावला. शुक्रवारी रात्री गुन्ह्याची नोंद झाली. पोलिसांनी आरोपीला अटक केली. या घटनेत पोलिसांच्या कार्यक्षमतेवर देखील प्रश्नचिन्ह उपस्थित होत आहे. त्यामुळे या घटनेने सतंप्त होऊन जमाव रस्त्यावर उतरला आहे.
ADVERTISEMENT
या अत्याचाराच्या घटनेनंतर आज हजारो बदलापूरकर नागरिक रस्त्यावर उतरले होते. सकाळपासून पालकांनी आदर्श शाळेबाहेर आंदोलन सुरू केले. तर काही नागरिकांनी उपनगरीय रेल्वेची वाहतूक रोखून धरली, त्यामुळे मध्य रेल्वे ठप्प झाली होती.तब्बल तीन तास रेल्वे रोखून धरल्याची माहिती आहे. यानंतर संतप्त आदोलकांनी जमावर दडगफेक केली होती. या दगडफेकीनंतर तणावसदृष्य परिस्थिती निर्माण झाली होती.
ADVERTISEMENT
हे ही वाचा : Sharad Pawar : ''संभाजी भिडे वगैरे प्रतिक्रिया देण्याच्या लायकीची...'', पवार भडकले!
बदलापूर अत्याचार प्रकरणात SIT स्थापण
बदलापूर येथील दुर्दैवी घटनेची चौकशी करण्यासाठी उपमुख्यमंत्री देवेंद्र फडणवीस यांनी पोलिस महानिरीक्षक दर्जाच्या वरिष्ठ IPS अधिकारी आरती सिंग यांच्या अध्यक्षतेखाली SIT गठित करण्याचे आदेश दिले आहेत. दोषींवर कठोरातील कठोर कारवाई करण्यासाठी, हा खटला जलदगती न्यायालयात चालविण्यासाठी आजच प्रस्ताव सादर करण्याचे आदेश ठाणे पोलिस आयुक्तांना सुद्धा त्यांनी दिले आहेत, अशी माहिती देवेंद्र फडणवीस यांनी एक्स या सोशल माध्यमातून दिली आहे.
मुख्यमंत्री एकनाथ शिंदे यांनी देखील या घटनेवर प्रतिक्रिया दिली आहे. सदर प्रकरणातील आरोपीला अटक केल्याची माहिती दिली. तसेच आरोपींना लवकर शिक्षा मिळावी यासाठी हे प्रकरण जलदगती न्यायालयात सुनावणीसाठी घेतले जाईल, असेही मुख्यमंत्री एकनाथ शिंदे म्हणाले आहेत.
ADVERTISEMENT